НИШАСТИ МАТБУОТӢ. Донишҷӯёни Донишкадаи тарбияи ҷисмонӣ дар мусобиқаҳои байналмилалӣ соҳиби 26 медал шуданд

ДУШАНБЕ, 30.07.2025. /АМИТ «Ховар»/. Донишҷӯёни Донишкадаи  тарбияи ҷисмонии Тоҷикистон ба номи Саймуъмин Раҳимов дар 23 мусобиқаи байналмилалӣ фаъолона иштирок намуда, сазовори 26 медал гардиданд.  Аз ҷумла, 13 медали тилло, 7 нуқра ва 9 биринҷӣ ба даст оварданд. Дар ин хусус имрӯз зимни нишасти матбуотӣ ректори донишкада Амир Иброҳимзода ба хабарнигорон иттилоъ дод.

Иброз гардид, ки дар шашмоҳаи якуми соли 2025 дар донишкада 133 мусобиқаи варзишӣ гузаронида шуд. Инҳо 53 чорабинии оммавӣ-варзишӣ ва солимгардонӣ, 4 машғулияти омӯзишӣ ва 76 мусобиқаи варзишӣ мебошанд.

Донишҷӯёни донишкада дар 13 мусобиқаи варзишии кушод ва дохилии  донишкада, 12 чемпионат ва  мусобиқаҳои шаҳри Душанбе, 28 чемпионат ва мусобиқаҳои Ҷумҳурии Тоҷикистон, 23 чемпионат ва мусобиқаҳои байналмилалӣ фаъолона иштирок намуданд.

Зарангези ЛАТИФ,
АМИТ «Ховар»

АКС аз манбаъҳои боз