Президенти Муғулистон Ухнаагийн Хурэлсух дар Осорхонаи миллии Тоҷикистон бо таърихи миллати тоҷик шинос шуд
ДУШАНБЕ, 24.07.2025. /АМИТ «Ховар»/. Имрӯз дар доираи сафари давлатӣ ба Ҷумҳурии Тоҷикистон Президенти Муғулистон Ухнаагийн Хурэлсух аз Осорхонаи миллии Тоҷикистон боздид намуд. Дар ин хусус хабарнигори АМИТ «Ховар» иттилоъ медиҳад.
Зимни тамошои осорхона Президенти Муғулистон муҳтарам Ухнаагийн Хурэлсухро муовини Сарвазири Ҷумҳурии Тоҷикистон Дилрабо Мансурӣ ва дигар шахсони расмӣ ҳамроҳӣ намуданд.
Шахсони масъули Осорхонаи миллии Тоҷикистон меҳмононро истиқбол гирифта, аз ҷониби роҳбаладон бо онҳо дар сатҳи баланди касбӣ сайри осорхонавӣ гузаронида шуд.
Шуъбаҳои экспозитсионии Осорхонаи миллии Тоҷикистон, аз қабили таърихи бостон ва асрҳои миёна, таърихи нав ва навтарин, ки ҳунармандӣ, либоспӯшӣ, тарзи зисти одамон, заргарӣ, кулолгарӣ, кандакорӣ дар рӯи чӯб, хушнависӣ, мисгарӣ, дастовардҳои замони соҳибистиқлолии мамлакат, хосса тарзи зисту зиндагонии тоҷиконро дар давраҳои гуногуни таърих таҷассум менамоянд, ба меҳмонон муаррифӣ гардиданд.
Инчунин ба воситаи сайри осорхонавӣ меҳмонони сатҳи баланд бозёфтҳои давраҳои гуногуни таърихиро дар ошёнаи якуми Осорхонаи миллии Тоҷикистон- шуруъ аз асри санг то асри VIII ва дар ошёнаи дуюм- аз даврони «Сомониён» то асри XX тамошо намуданд.
Инчунин дар толорҳои шуъбаи таърихи нав ва навтарин бо дастовардҳои замони истиқлолияти мамлакат ва толори «Туҳфаҳои Президенти Ҷумҳурии Тоҷикистон» шинос шуданд.
Баъд аз тамошои толорҳои намоишии Осорхонаи миллии Тоҷикистон Президенти Муғулистон Ухнаагийн Хурэлсух бо изҳори хушҳолӣ дар китоби «Меҳмонони фахрӣ»-и Осорхонаи миллии Тоҷикистон таассуроти хешро дарҷ намуд.
АКС: АМИТ «Ховар»
«ҲОМИИ ИСТИҚЛОЛЕМ». Бо иштироки муҳофизони Ватан дар Осорхонаи миллӣ ҳамоиш доир шуд
Ба сокинони шаҳру ноҳияҳои Бадахшон китоби «Шоҳнома»-туҳфаи Президенти Тоҷикистон тақдим мегардад
«ШОҲНОМА ВАТАН АСТ». Корвони китоби «Шоҳнома» ба ноҳияи Тоҷикобод ворид гардид
«АНДАЛЕБ». Даври дуюми Фестивал-озмуни ҷумҳуриявии телевизионии эҷодиёти халқ идома дорад
Намояндаи Тоҷикистон дар ҳамоиши байналмилалии коршиносони Осиёи Марказӣ иштирок намуд
Бахшида ба 1045-солагии табиби машҳури ҷаҳон-Абуалӣ ибни Сино ҳамоиши ҷумҳуриявӣ баргузор шуд
Дар Осорхонаи миллӣ таҳти унвони «Абуалӣ ибни Сино – мутафаккири бузурги халқи тоҷик» намоиши ҷумҳуриявӣ ифтитоҳ ёфт
Дар шаҳри Бохтар «Муассисаи давлатии маҷмааи таърихии Бибихонум» таъсис дода шуд
Густариши ҳамкории илмию таҳқиқотии Тоҷикистон ва Фландрия баррасӣ гардид
Мониторинги радиатсионии дараи Уреҷи кӯҳҳои Фон мавриди таҳлил ва омӯзиш қарор дода шуд
Иқтидори сайёҳию рекреатсионии Тоҷикистон дар доираи таҳқиқи арзишманд муаррифӣ гардид
28 нафар зинаи магистратураи Академияи миллии илмҳои Тоҷикистонро бо дипломи аъло хатм намуданд
