Раиси Маҷлиси намояндагон дар иҷлосияи сатҳи баланд дар Женева иштирок намуд
ДУШАНБЕ, 31.07.2025. /АМИТ «Ховар»/. 30 июл Раиси Маҷлиси намояндагони Маҷлиси Олии Ҷумҳурии Тоҷикистон Файзалӣ Идизода дар иҷлосияи сатҳи баланд дар мавзуи «Риояи Оинномаи СММ ва ҳуқуқи байналмилалӣ бо мақсади таъмини сулҳ ва амнияти байналмилалӣ» дар Женева сухан гуфт. Дар ин хусус ба АМИТ «Ховар» аз Маҷлиси намояндагон хабар доданд.
Зимни суханронӣ Файзалӣ Идизода иброз намуд, ки Тоҷикистон ҳамчун аъзои комилҳуқуқи Созмони Милали Муттаҳид барои дар амал татбиқ намудани мақсад ва принсипҳои он дар самти қонунгузорӣ пайваста чораҳои муассирро амалӣ менамояд. Дар ин робита Тоҷикистон сиёсати сулҳҷӯёнаро дар амал татбиқ намуда, бо эҳтироми соҳибихтиёрӣ ва истиқлолияти дигар давлатҳои ҷаҳон муносибатҳои хориҷии худро дар асоси меъёрҳои байналмилалӣ пеш мебарад.
Раиси Маҷлиси намояндагон изҳор намуд, ки Тоҷикистон дар Созмони Милали Муттаҳид силсилаи қатъномаҳоро оид ба масъалаҳои муҳими обу иқлим, аз ҷумла ҳифзи пиряхҳо пешниҳод кардааст, ки аз ҷониби ҷомеаи ҷаҳонӣ дастгирӣ ёфтаанд.
Ҳамчунин ташаббусҳои Тоҷикистон оид ба мубориза бо хавфу хатарҳои замони муосир, бахусус терроризму ифротгароӣ дар арсаи байналмилалӣ дастгирӣ ёфта, дар ҳамкорӣ бо Созмони Милали Муттаҳид ва ниҳодҳои махсуси он амалӣ мегарданд.
Тазаккур дода шуд, ки барои таъмини сулҳу амнияти байналмилалӣ Президенти Ҷумҳурии Тоҷикистон муҳтарам Эмомалӣ Раҳмон 22 сентябри соли 2024 зимни суханронӣ дар ҷаласаи Маҷмаи Умумии Созмони Милали Муттаҳид аз кишварҳои ҷаҳон даъват намуданд, ки Қатъномаи махсуси Созмони Милали Муттаҳид дар бораи «Даҳсолаи таҳкими сулҳ барои наслҳои оянда» қабул карда шавад.
Файзалӣ Идизода дар идомаи суханронӣ бо мақсади риояи меъёрҳои Оинномаи Созмони Милали Муттаҳид ва таъмини сулҳу амнияти байналмилалӣ якчанд таклиф пешниҳод намуд.
АКС: Маҷлиси намояндагони Маҷлиси Олии Ҷумҳурии Тоҷикистон
Муовини Раиси Маҷлиси намояндагон бо Президенти Сенати иёлоти Ютаи Амрико вохӯрӣ намуд
Вакилони Маҷлиси намояндагон якчанд созишномаро ба тасвиб расониданд
Ҷаласаи навбатии Шурои Маҷлиси намояндагони Маҷлиси Олӣ, даъвати ҳафтум баргузор гардид
Дар Маҷлиси намояндагон дар масъалаи идоракунии интернет, рақамикунонӣ ва технологияҳои муосири инноватсионӣ вохӯрӣ доир гардид
Муовини Раиси Маҷлиси намояндагон бо ҳайати сенаторони Гурӯҳи дӯстии Сенати Фаронса «Фаронса — Осиёи Марказӣ» вохӯрӣ намуд
Доир ба рафти иҷрои «Барномаи рушди забони давлатӣ барои солҳои 2020-2030» муҳокимаи парлумонӣ баргузор шуд
Дар Маҷлиси намояндагон бо Гурӯҳи дӯстӣ ва ҳамкории парлумонии Олмон—Осиёи Марказӣ мулоқот баргузор шуд
Ҷаласаи навбатии иҷлосияи дуюми Маҷлиси намояндагони Маҷлиси Олӣ, даъвати ҳафтум баргузор гардид
Ҷаласаи навбатии Шурои Маҷлиси намояндагони Маҷлиси Олӣ, даъвати ҳафтум баргузор гардид
Ҷаласаи маҷозии Муколамаи занон – роҳбарони Осиёи Марказӣ доир шуд
Файзалӣ Идизода дар ҷаласаи Шурои Ассамблеяи парламентии СААД дар шаҳри Москва иштирок намуд
Барно Саидвализода дар ҷаласаи Комиссияи доимии Ассамблеяи байнипарлумонии давлатҳои иштирокдори ИДМ оид ба илм ва маориф иштирок намуд
