Таҳти раёсати ҷониби Тоҷикистон ҷаласаи Шурои иқтисодии Иттиҳоди Давлатҳои Мустақил доир шуд
ДУШАНБЕ, 18.07.2025 /АМИТ «Ховар»/. 18 июл дар шаҳри Москва таҳти раисии муовини якуми Сарвазири Ҷумҳурии Тоҷикистон Ҳоким Холиқзода ҷаласаи 106-уми Шурои иқтисодии Иттиҳоди Давлатҳои Мустақил баргузор гардид, ки дар он маҷмуи васеи масъалаҳои ҳамкории иқтисодии кишварҳои узви Иттиҳод баррасӣ шуданд. Дар ин хусус ба АМИТ «Ховар» аз Сафорати Ҷумҳурии Тоҷикистон дар Федератсияи Русия хабар доданд.
Дар ҷаласа роҳбарони ҳайатҳо — муовини сарвазири Ҷумҳурии Беларус Наталя Петкевич, муовини якуми Раиси Девони Вазирони Ҷумҳурии Қирғизистон Данияр Амангелдиев, муовини Раиси Ҳукумати Федератсияи Русия Алексей Оверчук, муовини Сарвазир – вазири иқтисод ва молияи Ҷумҳурии Узбекистон Ҷамшед Кучкаров иштирок ва суханронӣ намуданд.
Зимни ҷаласа масъалаҳои муҳими тавсеаи ҳамкории иқтисодӣ, лоиҳаҳои сармоягузорӣ ва инноватсионӣ, таҳияи ташаббусҳои муштарак дар соҳаҳои илму технология, таҳкими занҷираҳои истеҳсолӣ ва логистикии Авруосиё ва дигар масъалаҳои муҳимми рушди равобити кишварҳои Иттиҳод мавриди баррасӣ қарор гирифтанд.
Ҳоким Холиқзода таъкид намуд, ки чорабинии мазкур дар давраи раёсати Тоҷикистон дар Иттиҳоди Давлатҳои Мустақил баргузор гардида, дар ин росто Тоҷикистон ба самтҳои рушди илмӣ-техникӣ, инноватсия, иқтисоди рақамӣ ва сабз, инчунин тағийрёбии иқлим ва ҳамкории байниминтақавӣ тваҷҷуҳи хосса зоҳир менамояд.
Вобаста ба тамоми масъалаҳои рӯзномаи ҷаласа қарорҳои дахлдор қабул ва ба имзо расонида шуд.
Дар мувофиқа бо ҷонибҳо қарор карда шуд, ки ҷаласаи навбатии Шурои иқтисодӣ 5 сентябри соли 2025 дар шаҳри Душанбе баргузор гардад.
АКС: Сафорати Ҷумҳурии Тоҷикистон дар Федератсияи Русия
Сафири Тоҷикистон дар Кувайт бо раиси Гурӯҳи хадамоти ҳавопаймоии «Скай» мулоқот намуд
Дар Душанбе аҳаммияти ҳамкории байналмилалӣ барои таъмини рушди устувор баррасӣ гардид
Намояндаи доимии Тоҷикистон бо мудири кулли Дафтари СММ дар Вена мулоқот намуд
Дар Риёз ҳамкорӣ байни Муассисаи давлатии «Тоҷикфилм» ва Комиссияи синамои Арабистони Саудӣ баррасӣ шуд
Дар Вена баргузории ҷаласаи навбатии Комиссияи муштараки байниҳукуматии Тоҷикистону Австрия баррасӣ шуд
Сафири Тоҷикистон бо муовини вазири корҳои дохилии Миср мулоқот намуд
Сафири Тоҷикистон бо муовини Вазири адлияи Эрон мулоқот намуд
Сироҷиддин Муҳриддин бо муовини парлумонии вазири корҳои хориҷии Ҷопон Эри Арфия мулоқот намуд
Сафири Тоҷикистон дар вохӯрии муовини Котиби давлатии ИМА бо сафирони кишварҳои Осиёи Марказӣ иштирок намуд
Ҳамкории дуҷонибаи Тоҷикистону Умон баррасӣ гардид
Сафири Тоҷикистон бо раиси Палатаи савдо ва саноати Салтанати Умон мулоқот намуд
Ҳамкории Тоҷикистон ва Эрон дар соҳаи илму фарҳанг баррасӣ шуд
