Вобаста ба малакаи амалии кӯдакон оид ба бехатарии ҳаракат дар роҳ конфронси байналмилалӣ доир шуд
ДУШАНБЕ, 17.07.2025 /АМИТ «Ховар»/. 16 июл дар шаҳри Гулистони вилояти Суғд дар мавзуи «Ташаккули дониш ва малакаи амалии кӯдакон оид ба бехатарии ҳаракат дар роҳ» конфронси илмӣ-амалии байналмилалӣ баргузор гардид.
Тавре аз Вазорати корҳои дохилии Ҷумҳурии Тоҷикистон ба АМИТ «Ховар» хабар доданд, дар конфронс намояндагони вазоратҳои корҳои дохилии 8 давлати аъзои Иттиҳоди Давлатҳои Мустақил, аз ҷумла Тоҷикистон, Федератсияи Русия, Узбекистон, Қирғизистон, Қазоқистон, Озарбойҷон ва Беларус, инчунин Туркманистон ба ҳайси нозир иштирок намуданд.
Ҳадафи конфронс табодули таҷриба дар самти пешгирӣ аз ҳодисаҳои роҳу нақлиёт бо иштироки кӯдакону наврасон, ҳифзу ҳимояи ҳаёту саломатии иштирокчиёни ҳаракат дар роҳ ва ба роҳ мондани корҳои тарғиботии пешгирикунанда аз ҳодисаҳои нохуши нақлиётӣ ва таъмини бехатарии иштирокчиёни ҳаракат дар роҳ, бахусус кӯдакон мебошад.
Дар конфронс аз ҷониби мутахассисони самти бехатарии ҳаракат дар роҳ, пажӯҳишгарон, таҳқиқотчиён, олимони соҳаи ҳуқуқшиносӣ ва кормандони амалӣ дар самти Бозрасии давлатии автомобилии Иттиҳоди Давлатҳои Мустақил 10 маъруза пешниҳод гардид. Иштирокчиён конфронсро қадами устувор дар самти пешгирӣ аз ҳодисаҳои роҳу нақлиёт бо иштироки кӯдакон унвон намуданд.
АКС: Вазорати корҳои дохилии Ҷумҳурии Тоҷикистон
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
Котиби Шурои амнияти мамлакат бо Сафири Покистон дар Тоҷикистон мулоқот намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 500 ҳодисаи сӯхтор ба қайд гирифта шудааст
Прокуратураи генералӣ оид ба иҷрои қонунгузории мамлакат беш аз 4,6 ҳазор санҷиш гузаронид
Дар Тоҷикистон беш аз 600 ҳолати машғул шудан ба ҷодугарӣ ва фолбинӣ ошкор карда шуд
НИШАСТИ МАТБУОТӢ. Дар Тоҷикистон сатҳи содиршавии ҷиноят 10,3 фоиз коҳиш ёфтааст
Рамазон Раҳимзода: «Ҷавобгарӣ барои таваққуф дар қаторҳои дуюм ва сеюм пурзӯр карда мешавад»
