Дар Бадахшон ҳаҷми истеҳсоли маҳсулоти кишоварзӣ беш аз 225 миллион сомониро ташкил дод
ДУШАНБЕ, 10.08.2025. /АМИТ «Ховар»/. Ҳаҷми истеҳсоли маҳсулоти кишоварзӣ дар шашмоҳаи якуми соли равон дар Вилояти Мухтори Кӯҳистони Бадахшон 225,7 миллион сомониро ташкил дод, ки нисбат ба соли 2024 6,8 миллион сомонӣ афзудааст. Истеҳсоли маҳсулоти саноатӣ дар ин давра ба 102,8 миллион сомонӣ расонида шуд. Дар ин хусус зимни нишасти матбуотӣ Раиси Вилояти Мухтори Кӯҳистони Бадахшон Алишер Мирзонабот иттилоъ дод.
Иброз гардид, ки дар ин давра дар вилоят 91,5 гектар боғи нав бунёд карда шудааст, ки нисбат ба ҳамин давраи соли 2024 57,2 гектар ё 2,6 маротиба зиёд мебошад.
Алишер Мирзонабот изҳор намуд, ки дар вилоят соҳаи саноат бемайлон рушд намуда, шумораи корхонаҳои саноатӣ 183 ададро ташкил медиҳад. Дар нимсолаи аввал дар вилоят 45 корхонаю коргоҳ бо 360 ҷойи кори нав мавриди истифода қарор дода шуд. Чунин раванди саноатикунонӣ бесобиқа мебошад.
«Таъмини истиқлоли энергетикӣ яке аз ҳадафҳои стратегии ҳукумати мамлакат ба ҳисоб меравад. Соли равон зимни сафари Пешвои миллат муҳтарам Эмомалӣ Раҳмон ба Вилояти Мухтори Кӯҳистони Бадахшон Неругоҳи барқи обии «Себзор» дар ноҳияи Роштқалъа ва неругоҳҳои хурди обӣ ва офтобӣ дар ноҳияҳои Рӯшон, Дарвоз ва Мурғоб ба истифода дода шуданд»,-гуфт раиси вилоят.
Зимни нишасти матбуотӣ доир ба дастовардҳои соҳаи роҳдорӣ, тандурустӣ, кор бо ҷавонон ва варзиш, фарҳанг, сайёҳӣ ва кор бо занон ва оила сухан гуфта шуд.
АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон
Мутахасисони Тоҷикистон дар Чин бо навовариҳои соҳаи пахтакорӣ шинос шуданд
Натиҷаҳои рушди иқтисодии Тоҷикистон дар Таиланд муаррифӣ гардиданд
Дар Тоҷикистон ҷаласаи 46-уми Шурои ҳамоҳангсозии электроэнергетикии Осиёи Марказӣ доир шуд
Шаҳри Панҷакентро дар нуҳ моҳ беш аз 40 ҳазор сайёҳон тамошо намудаанд
Дар Агентии инноватсия ва технологияҳои рақамӣ масъалаҳои зеҳни сунъӣ ва амнияти рақамӣ баррасӣ шуданд
Ҳамкории стратегӣ дар самти ҷалби сармоягузории устувор ва маблағгузории иқлимӣ тақвият меёбад
Намояндаи Бонки миллии Тоҷикистон дар ҷаласаи роҳбарони бонкҳои марказии кишварҳои Шарқи Наздик ва Осиёи Марказӣ иштирок намуд
Дар Душанбе татбиқи «Барномаи давлатии кабудизоркунии Ҷумҳурии Тоҷикистон барои давраи то соли 2040» баррасӣ гардид
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
