Дар Бохтар оид ба кам кардани талафоти неруи барқ вохӯрӣ доир гардид
ДУШАНБЕ, 11.08.2025. /АМИТ «Ховар»/. 9 август дар шаҳри Бохтар бо иштироки муовини Сарвазири Ҷумҳурии Тоҷикистон Усмоналӣ Усмонзода вобаста ба дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон оид ба пешгирии насб, истифодаи ғайримақсаднок ва ғайриқонунии таҷҳизоти истеҳсолӣ, истифодаи нодурусти неруи барқ, кам кардани талафоти неруи барқ ва ҷамъоварии пурраи маблағи неруи барқ вохӯрӣ доир гардид. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии вилояти Хатлон хабар медиҳад.
Дар вохӯрӣ вазъи воқеии зеристгоҳҳои барқӣ, омилҳои афзоиши талафоти неруи барқ, нишондиҳандаҳои тиҷоратӣ, қарздорӣ ва ҷамъоварии маблағи неруи барқи истифодашуда, инчунин истифодаи аз меъёри муқарраргардида зиёдтари неруи барқ таҳлил гардид.
Муовини прокурори генералӣ ва сардори Агентии назорати давлатии энергетикӣ вобаста ба ҳолатҳои ғайримақсаднок ва ғайриқонунии истифодаи неруи барқ дар филиали «Шабакаҳои тақсимоти барқ»-и шаҳри Бохтар сухан гуфта, оид ба шахсони қонуншикан маълумоти дақиқ пешниҳод намуданд.
Таъкид гардид, ки нисбат ба роҳбарони шабакаҳои барқ, муовини онҳо, нозирон ва назоратчиёне, ки дар иҷрои вазифа бемасъулиятӣ кардаанд, тадбирҳои қатъӣ андешида шуда, аз кор озод карда мешаванд.
Ин тадбирҳо бо ҳадафи беҳтар намудани самаранокии истифодаи неруи барқ, кам кардани талафот ва таъмини адолати ҷамъоварии маблағҳои неруи барқ андешида мешаванд.
АКС: Мақомоти иҷроияи ҳокимияти давлатии вилояти Хатлон
Мутахасисони Тоҷикистон дар Чин бо навовариҳои соҳаи пахтакорӣ шинос шуданд
Натиҷаҳои рушди иқтисодии Тоҷикистон дар Таиланд муаррифӣ гардиданд
Дар Тоҷикистон ҷаласаи 46-уми Шурои ҳамоҳангсозии электроэнергетикии Осиёи Марказӣ доир шуд
Шаҳри Панҷакентро дар нуҳ моҳ беш аз 40 ҳазор сайёҳон тамошо намудаанд
Дар Агентии инноватсия ва технологияҳои рақамӣ масъалаҳои зеҳни сунъӣ ва амнияти рақамӣ баррасӣ шуданд
Ҳамкории стратегӣ дар самти ҷалби сармоягузории устувор ва маблағгузории иқлимӣ тақвият меёбад
Намояндаи Бонки миллии Тоҷикистон дар ҷаласаи роҳбарони бонкҳои марказии кишварҳои Шарқи Наздик ва Осиёи Марказӣ иштирок намуд
Дар Душанбе татбиқи «Барномаи давлатии кабудизоркунии Ҷумҳурии Тоҷикистон барои давраи то соли 2040» баррасӣ гардид
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
