Дар Душанбе фаъолияти лоиҳаи «Миллати солими Тоҷикистон» натиҷагирӣ карда шуд
ДУШАНБЕ, 14.08.2025 /АМИТ «Ховар»/. 13 август дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон таҳти роҳбарии муовини Сарвазири Ҷумҳурии Тоҷикистон Дилрабо Мансурӣ оид ба натиҷагирии фаъолияти лоиҳаи «Миллати солими Тоҷикистон» дар шашмоҳаи якуми соли равон ҷаласа доир гардид. Дар ин хусус АМИТ «Ховар» бо истинод ба маркази матбуоти Вазорати тандурустӣ ва ҳифзи иҷтимоӣ хабар медиҳад.
Муовини Сарвазири Ҷумҳурии Тоҷикистон Дилбаро Мансурӣ зимни ҷаласа аз таваҷҷуҳ ва дастгириҳои пайвастаи роҳбарияти давлату Ҳукумати Тоҷикистон, хосса Президенти Тоҷикистон муҳтарам Эмомалӣ Раҳмон нисбат ба соҳаи тандурустӣ ёдовар шуд. Иброз гардид, ки лоиҳаи «Миллати солими Тоҷикистон» низ ба хотири боз ҳам беҳтар намудани сатҳу сифати хизматрасонии тиббӣ ба аҳолӣ мавриди амал қарор дода шудааст.
Дар ҷаласа муовини якуми Вазири тандурустӣ ва ҳифзи иҷтимоии аҳолӣ Саломуддин Юсуфӣ вобаста ба натиҷаҳои татбиқи лоиҳаи «Миллати солими Тоҷикистон» дар шашмоҳаи якуми соли 2025 маълумот дод.
Иброз гардид, ки мақсад ва ҳадафҳои лоиҳаи «Миллати солими Тоҷикистон» ба ду самти муҳим-баланд бардоштани сатҳи сифат ва самаранокии хизматрасонии кумаки аввалини тиббӣ дар ноҳияҳои таҷрибавӣ ва таҳкими иқтидори миллӣ оид ба омодагӣ ва эътино ба ҳолатҳои фавқулода дар соҳаи тандурустии ҷамъиятӣ равона гардидааст.
Иттилоъ дода шуд, ки вобаста ба ҳадафи аввал масъулини лоиҳа кӯшиш доранд бо беҳтарсозии инфрасохтор, таъмини таҷҳизоти замонавӣ ва бозомӯзии мутахассисони маҳаллӣ сифати хизматрасонии тиббиро ба талаботи байналмилалӣ баробар созанд. Инчунин ҳадафи дуюми лоиҳа тақвият додани омодагии муассисаҳои тиббӣ ва баланд бардоштани сатҳи огоҳии ҷомеа дар мавриди пешгирӣ ва вокуниш ба ҳолатҳои фавқулода мебошад. Ин равиш имкон медиҳад, ки дар ҳолатҳои зарурӣ тадбирҳои саривақтӣ ва босамар андешида шаванд.
АКС: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
Муовини Сарвазири Тоҷикистон ба ифтихори Рӯзи Президент дар Академияи идоракунии давлатӣ ҳафтаи ҷашниро ифтитоҳ намуд
ПРЕЗИДЕНТ — РАМЗИ ВАҲДАТ, СУБОТ ВА ДАВЛАТДОРИИ МИЛЛӢ. Дар ноҳияи Фирдавсӣ ҳамоиши сиёсиву фарҳангӣ баргузор шуд
Исломиддин Раҳмон: «Иҷлосияи тақдирсоз ва Рӯзи Президент саҳифаи тиллоӣ дар таърихи давлатдории тоҷикон мебошанд»
Cозишнома оид ба ҳамкории вазоратҳои адлияи давлатҳои иштирокдори ИДМ ба имзо расид
Таҳкими ҳамкории илмӣ-таҳқиқотӣ байни Тоҷикистон ва Швейтсария баррасӣ шуд
Иммунизатсия яке аз усулҳои муҳими ҳифзи саломатии кӯдакон мебошад
Дар Рашт бинои нави шуъбаи Хадамоти давлатии оташнишонӣ ба истифода дода шуд
Дар фурудгоҳҳои байналмилалии Тоҷикистон бо шаҳрвандон корҳои иттилоотию фаҳмондадиҳӣ гузаронида шуданд
Ҳамкории Тоҷикистон ва Қазоқистон дар соҳаи тандурустӣ густариш меёбад
ОГОҲӢ. То 13 ноябр дар Тоҷикистон ҳавои номусоид пешгӯӣ мешавад
Татбиқи лоиҳаи «Барқарорсозии зерсистемаи системаи ВМК-и канали Қумсангир» ба 95 фоиз расид
ЗИМИСТОНГУЗАРОНӢ. Дар Сангвор ситоди ноҳиявӣ оид ба омодагии пурра ба фаслҳои тирамоҳу зимистон таъсис ёфтааст
