Дар ноҳияи Рӯшон майдончаҳои варзишӣ ба истифода дода шуданд
ДУШАНБЕ, 29.08.2025 /АМИТ «Ховар»/. Имрӯз дар ноҳияи Рӯшон майдончаҳои варзишӣ мавриди истифода қарор дода шуданд. Дар ин хусус ба АМИТ «Ховар» аз Мақомоти иҷроияи ҳокимияти давлатии вилоят хабар доданд.
Зимни ифтитоҳи иншоот дар деҳаи Баҷуви Ҷамоати деҳоти Пастхуф Раиси Вилояти Мухтори Кӯҳистони Бадахшон Алишер Мирзонабот иброз намуд, ки дар замони 34 соли Истиқлол мамлакати мо таҳти роҳбарии хирадмандонаи Президенти Ҷумҳурии Тоҷикистон муҳтарам Эмомалӣ Раҳмон ба мамлакати афсонавӣ мубаддал гардида, имрӯз хурду бузурги Тоҷикистон дар фазои орому осуда умр ба сар мебаранд.
Таъкид гардид, ки бо дастгирии Ҳукумати Ҷумҳурии Тоҷикистон, бахусус Роҳбари давлат муҳтарам Эмомалӣ Раҳмон Вилояти Мухтори Кӯҳистони Бадахшон ба марҳилаи рушд ворид шуда, дар тамоми самтҳо ба дастовардҳои азим ноил гардид.
Иттилоъ дода шуд, ки танҳо дар шаш моҳи соли равон 27 муассисаи томактабӣ сохта, мавриди истифода қарор дода шуд. Дар се соли охир дар шаҳру ноҳияҳои вилоят корхонаҳои саноатӣ ифтитоҳ гардиданд.
Дар деҳаҳои Шуҷанд ва Емси Ҷамоати деҳоти Рӯшон майдончаҳои варзишӣ, ки бо ташаббуси ҷавонони деҳаҳо ва мусоидати ҳамаҷонибаи мақомоти иҷроияи ҳокимияти давлатӣ сохта шудаанд, мавриди истифода қарор гирифтанд.
АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон
Дар шаҳри Хуҷанд оид ба нақши Пешвои миллат муҳтарам Эмомалӣ Раҳмон дар рушди забони давлатӣ вохӯрӣ доир шуд
Пешвои миллат Эмомалӣ Раҳмон оид ба омодагӣ ба истиқболи ҷашни таърихии 35-солагии Истиқлоли давлатӣ машварати корӣ доир намуданд
Дар Тоҷикистон нахустин неругоҳи бодӣ бо иқтидори 200 киловатт ба истифода дода мешавад
35-СОЛАГИИ ИСТИҚЛОЛИ ДАВЛАТӢ. Дар Панҷакент 1076 иншоот сохта ба истифода дода шудааст
СОЛИ ОБОДОНИВУ СОЗАНДАГӢ. Муассисаи давлатии мактаби варзишии шаҳри Истаравшан таъмир гардид
Бахшида ба 35-солагии Истиқлолияти давлатӣ китоби «Хуттали Қадим» аз чоп баромад
«Истиқлоли давлатӣ, озодиҳои эътиқодӣ ва оинҳои миллӣ». Таҳти ин унвон конфронси ҷумҳуриявӣ доир гардид
Кормандони Муассисаи давлатии истифодабарии роҳҳои ноҳияи Сино корҳои ободониро бахшида ба 35- солагии Истиқлоли давлатӣ вусъат додаанд
Бахшида ба фаъолияти соҳаи метрологияи тоҷик Конференсияи байналмилалии илмӣ-назариявӣ баргузор гардид
Сокинони деҳаи Меҳрбахши шаҳри Ваҳдат бо оби нӯшокӣ таъмин гардиданд
Дар Душанбе бахшида ба Рӯзи Ваҳдати миллӣ ҳамоиш баргузор шуд
Дар Душанбе Рӯзҳои фарҳанги шаҳри Турсунзода ва ноҳияҳои Қубодиён, Рӯдакӣ, Спитамен, Шаҳринав ва Панҷ баргузор мешаванд
