Давлатшоҳ Гулмаҳмадзода ва Сергей Кузнесов дурнамои ҳамкории дуҷонибаро баррасӣ намуданд
ДУШАНБЕ, 13.08.2025 /АМИТ «Ховар»/. 12 август вохӯрии Сафири Ҷумҳурии Тоҷикистон дар Русия Давлатшоҳ Гулмаҳмадзода бо иҷрокунандаи вазифаи Губернатори Хабаровск Сергей Кузнесов баргузор шуд. Дар ин хусус АМИТ «Ховар» бо истинод ба Сафорати Ҷумҳурии Тоҷикистон дар Федератсияи Русия хабар медиҳад.
Ҷонибҳо оид ба ҳолати кунунӣ ва дурнамои ҳамкорӣ байни вилоятҳои Ҷумҳурии Тоҷикистон ва минтақаи Хабаровски Федератсияи Русия дар соҳаҳои иқтисод, маориф, тандурустӣ, фарҳанг, муҳоҷирати меҳнатӣ ва сайёҳӣ табодули афкор намуданд.
Аз ҷумла, ба масъалаи баргузории чорабиниҳои фарҳангӣ ҳам дар минтақаҳои Тоҷикистон ва минтақаи Хабаровск таваҷҷуҳ зоҳир карда шуд. Ғайр аз ин, бо мақсади табодули таҷриба байни табибони минтақаҳои Тоҷикистон ва минтақаи Хабаровск масоили марбут ба ташкили таҷрибаомӯзӣ ва семинарҳо барои кормандони соҳаи тиб, аз ҷумла дорусозон баррасӣ гардид. Ҳамчунин ҳамсуҳбатон ба мавзуи ҷалби шаҳрвандони Тоҷикистон барои фаъолияти меҳнатӣ дар минтақаҳои Хабаровск диққат доданд.
Дурнамои ҳамкорӣ байни донишгоҳҳои олии Тоҷикистон ва минтақаи Хабаровск низ мавриди баррасӣ қарор гирифт.
Дар вохӯрӣ масъалаи густариши ҳамкории тиҷоративу иқтисодӣ ва ҷалби сармоягузорӣ матраҳ гардид. Дар ин робита ҷонибҳо танзими баргузории форумҳои тиҷоратии муштаракро дар Тоҷикистон ва минтақаи Хабаровск ба мақсад мувофиқ донистанд.
АКС: Сафорати Ҷумҳурии Тоҷикистон дар Федератсияи Русия
Намояндаи доимии Тоҷикистон бо директори генералии Созмони рушди саноати СММ мулоқот намуд
Дар Москва ҷаласаи Шурои ҷамъиятии назди Сафорати Тоҷикистон дар Русия баргузор гардид
Сафири Тоҷикистон бо муовини раиси Шурои иҷроияи Ҳизби ҳокими Туркия мулоқот намуд
Сафири Ҷумҳурии Тоҷикистон бо ёвари Вазири тиҷорати Иёлоти Муттаҳидаи Амрико мулоқот намуд
Сафири Тоҷикистон бо Вазири савдо ва робитаҳои иқтисодии хориҷии Туркманистон мулоқот намуд
Сафири Тоҷикистон ба Президенти Австрия эътимоднома супорид
Намояндаи доимии Тоҷикистон бо иҷрокунандаи вазифаи директори генералии дафтари СММ дар Вена мулоқот намуд
РАВАНДИ ОБИ ДУШАНБЕ. Тоҷикистон барои пешбурди рӯзномаи ҷаҳонии об тамоми кӯшишҳоро ба харҷ медиҳад
Мудири Барномаи рушди Созмони Милали Муттаҳид ба Конфронси 4-уми оби Душанбе даъват шуд
Дар Ню-Йорк нақши ташаббусҳои Тоҷикистон дар платформаҳои сиёсии ҷаҳонӣ баррасӣ гардид
Сафири Тоҷикистон бо муовини Вазири корҳои хориҷии Миср мулоқот намуд
Муовини Сарвазири Тоҷикистон дар Форуми ҷаҳонии парасторон дар шаҳри Мадрид иштирок намуд
