Даври сеюми Озмуни ҷумҳуриявии «Фурӯғи субҳи доноӣ китоб аст» идома дорад
ДУШАНБЕ, 19.08.2025. /АМИТ «Ховар»/. Дар Маркази кӯдакон ва наврасони шаҳри Душанбе даври сеюми Озмуни ҷумҳуриявии «Фурӯғи субҳи доноӣ китоб аст» идома дорад. Дар ин хусус ба АМИТ «Ховар» аз Вазорати маориф ва илми Ҷумҳурии Тоҷикистон иттилоъ доданд.
Муовини Сарвазири Ҷумҳурии Тоҷикистон Дилрабо Мансурӣ зимни шиносоӣ бо раванди озмун иброз дошт, ки «баргузории озмун давоми 7 сол тавонист фазои солими рақобат, эҷодкорӣ ва донишандӯзиро дар байни қишрҳои гуногуни ҷомеа фароҳам оварда, симои маънавии хонандагон, донишҷӯён, омӯзгорон ва пиру барнои тоҷикро дар руҳияи худшиносӣ, ифтихори миллӣ ва дӯст доштани китобу маърифат ташаккул бахшад».
Озмуни ҷумҳуриявии «Фурӯғи субҳи доноӣ китоб аст», ки бо ташаббуси Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон аз соли 2019 инҷониб баргузор мегардад, ба яке аз маъракаҳои муҳимми маърифатию фарҳангӣ табдил ёфтааст. Он дар боло бурдани завқи китобхонӣ, тақвияти маънавиёти ҷомеа ва таҳкими арзишҳои миллӣ нақши калидӣ дорад.
Муовини Вазири маориф ва илми Тоҷикистон баргузории озмунро иқдоми муассир арзёбӣ намуда, афзуд, ки озмун на танҳо воситаи таблиғи китоб ва китобдорӣ аст, балки таконбахши рушди фикрии насли наврасу ҷавон, эҳёи анъанаҳои хониши китоб ва бедории зеҳнии ҷомеа мебошад.
Ёдовар мешавем, ки тибқи Амри Президенти Ҷумҳурии Тоҷикистон аз 2 январи соли 2025 Озмуни ҷумҳуриявии «Фурӯғи субҳи доноӣ китоб аст» соли равон низ бо фарогирии васеи аҳолӣ идома дорад.
АКС: Вазорати маориф ва илми Ҷумҳурии Тоҷикистон
Эмомалӣ Раҳмон: «Муассисаи таълимии №6-и шаҳри Хоруғ ба номи шодравон Алишери Мирзонабот гузошта шавад»
Президенти Ҷумҳурии Тоҷикистон Эмомалӣ Раҳмон дар шаҳри Хоруғ бинои нави муассисаи таҳсилоти миёнаи умумии №6-ро мавриди истифода қарор доданд
Солҳои охир теъдоди муассисаҳои таълимӣ дар Бадахшон ба таври бесобиқа афзоиш ёфтааст
Дар солҳои соҳибистиқлолӣ дар шаҳру ноҳияҳои Суғд 986 муассисаи таълимӣ ба истифода дода шуд
Байни Академияи идоракунии давлатии Тоҷикистон ва Донишгоҳи технологии Ланҷоу Ёддошти тафоҳум ба имзо расид
157 довталаб аз шаҳри Душанбе ба даври ниҳоии Озмуни ҷумҳуриявии «Илм – фурӯғи маърифат» роҳхат гирифтанд
ТАШАББУСИ ТОҶИКИСТОН ДАР РУШДИ ЗЕҲНИ СУНЪИИ БЕХАТАР ДАР АРСАИ ҶАҲОНӢ. Мулоҳизаҳо дар ин маврид
Доир ба масоили муҳими соҳаи нақлиёт ва инфрасохтори роҳҳо конференсияи байналмилалӣ баргузор шуд
ФАРДОИ ТОҶИКИСТОН ИМРӮЗ ДАР МАКТАБ АСТ. Андешаҳо дар ҳошияи суханронии Президенти Ҷумҳурии Тоҷикистон дар Рӯзи дониш
Зиёда аз 40 ҳазор нафар ҷавонони Тоҷикистон дар муассисаҳои таҳсилоти олии қариб 50 кишвари ҷаҳон илму дониш ва касбҳои муосир меомӯзанд
Масоили омода намудани мутахассисон дар дохил ва хориҷи Тоҷикистон баррасӣ шуд
350 нафар донишҷӯёни тоҷик дар Ҷумҳурии Корея таҳсил менамоянд
