Доир ба амалисозии барномаҳои давлатии марбут ба таҳсилоти томактабӣ ҷаласаи корӣ баргузор гардид
ДУШАНБЕ, 28.08.2025. /АМИТ «Ховар»/. 27 август дар шаҳри Душанбе таҳти раёсати муовини Сарвазири Ҷумҳурии Тоҷикистон Дилрабо Мансурӣ оид ба ҷараёни иҷрои дастуру супоришҳои пайвастаи Президенти Ҷумҳурии Тоҷикистон муҳтарам Эмомалӣ Раҳмон ва сатҳи амалисозии барномаҳои давлатӣ марбут ба таҳсилоти томактабӣ дар ҷумҳурӣ ҷаласаи корӣ доир гардид. Дар ин хусус ба АМИТ «Ховар» аз Вазорати маориф ва илми Ҷумҳурии Тоҷикистон иттилоъ доданд.
Дилрабо Мансурӣ иброз намуд, ки таҳсили томактабӣ яке аз самтҳои афзалиятноки сиёсати иҷтимоии давлат ба ҳисоб рафта, дар ташаккули шахсияти кӯдак ва омодасозии онҳо ба зинаҳои минбаъдаи таҳсил нақши муҳиму ҳалкунанда дорад. Бо назардошти таваҷҷуҳи Сарвари давлат ба рушди ин зинаи таҳсил солҳои охир иқдоми назаррас дар самти таҳкими инфрасохтор, тайёр намудани мутахассисон ва фароҳамсозии муҳити мусоиди таълимӣ амалӣ мегардад.
Дар ҷаласа гуфта шуд, ки бо мақсади боз ҳам беҳтар намудани вазъи фарогирии кӯдакон ба таълиму тарбияи томактабӣ мақомоти иҷроияи ҳокимияти давлатии шаҳру ноҳияҳои ҷумҳурӣ барои амалисозии дастуру ҳидоятҳои Пешвои миллат муҳтарам Эмомалӣ Раҳмон бояд дар ҳар маҳаллаи аҳолинишин, ки беш аз 100 хоҷагӣ дорад, муассисаи томактабӣ таъсис диҳанд. Ин иқдом метавонад барои фарогирии бештари кӯдакон заминаи мусоид фароҳам оварад.
Иттилоъ дода шуд, ки барномаҳои давлатии амалкунанда дар самти таҳсилоти томактабӣ — «Барномаи давлатии рушди таҳсилоти томактабӣ барои солҳои 2020-2025» ва «Барномаи рушди муассисаҳои томактабӣ ва таҳсилоти умумии хусусӣ барои солҳои 2022-2027» зери таваҷҷуҳи доимӣ қарор дошта, барои иҷрои босифати онҳо тадбирҳои мушаххас андешида мешаванд.
АКС: Вазорати маориф ва илми Ҷумҳурии Тоҷикистон
«Барномаи давлатии такмили таълим ва омӯзиши забонҳои русӣ ва англисӣ барои давраи то соли 2030» баррасӣ гардид
Панҷ нуктаи омӯзанда аз Рӯзи дониш ва Дарси сулҳ бо паёми Президенти Тоҷикистон
Дар Донишгоҳи аграрии Тоҷикистон синфхонаи замонавӣ барои донишҷӯён ба истифода дода шуд
Президенти Фонди ОПЕК оид ба рушди байналмилалӣ бо имконоти Донишгоҳи байналмилалии сайёҳӣ ва соҳибкории Тоҷикистон шинос гардид
Муҳаққиқи ҷавони тоҷик Омина Холиқзода дар Чин соҳиби медалҳои тилло ва нуқра гардид
Пешвои миллат Эмомалӣ Раҳмон дар шаҳри Душанбе Муассисаи таълимии ғайридавлатии таҳсилоти миёнаи умумии «Имкон»-ро ба истифода доданд
35-СОЛАГИИ ИСТИҚЛОЛИ ДАВЛАТӢ. Дар назди 12 муассисаи таълимии шаҳри Ваҳдат биною синфхонаҳои иловагӣ ба истифода дода мешаванд
Имрӯз дар Тоҷикистон беш аз 240 ҳазор кӯдакон ба синфи якум рафтанд
Аз 1 сентябр донишҷӯёни тоҷик дар Русия метавонанд ҷойи зисти худро тавассути барномаи мобилии «Амина» ба қайд гиранд
Президенти Тоҷикистон: «Падару модарон ба тарбияи фарзандон бояд бо масъулияти баланд муносибат намоянд»
Пешвои миллат дастур доданд, ки сифат ва муҳтавои китобҳои насли нав беҳтар карда шавад
Президенти Тоҷикистон: «Зарур аст дар байни ҷавонону наврасон фарҳанги истифодаи шабакаи интернет баланд бардошта шавад»
