Хиради омӯзгор ҷаҳлу хурофотро аз байн мебарад ва сарчашмаи комёбиҳо мегардад, — бардошт аз ҳамоиш дар вилояти Хатлон
ДУШАНБЕ, 30.08.2029. /АМИТ «Ховар»/. Дар тамоми муассисаҳои таълимии шаҳру ноҳияҳои вилояти Хатлон суханронии Президенти Ҷумҳурии Тоҷикистон муҳтарам Эмомалӣ Раҳмонро бахшида ба Рӯзи Дониш ва Дарси сулҳ дастҷамъона тамошо намуданд. Аз ҷумла, дар Мақомоти иҷроияи ҳокимияти давлатии вилояти Хатлон баъди тамошои суханронии Сарвари давлат ҳамоиш доир гардид. Дар ҳамоиш масъалаи иҷрои саривақтии дастуру супоришҳои дар ин суханронӣ баённамудаи Президенти мамлакат баррасӣ гардид. Дар ин хусус АМИТ «Ховар» бо истинод ба хадамоти матбуоти Раиси вилояти Хатлон хабар медиҳад.
Иштирокдрони ҳамоиш иброз доштанд, ки дар ҳақиқат омӯзгор шаъну шарафи миллат аст ва имрӯзу фардои ҳар як кишвар ва ҷомеа аз сатҳи маърифату фаъолияти ӯ вобастагии калон дорад.
«Тавре Сарвари давлат муҳтарам Эмомалӣ Раҳмон дар ин суханронӣ иброз доштанд, хиради омӯзгор ҷаҳлу хурофотро аз байн мебарад ва сарчашмаи комёбиҳо мегардад. Дар бартарафсозии тамоми мушкилоти миллату давлат, пеш аз ҳама, омӯзгорон саҳмгузоранд.Эҳтироми омӯзгор аз тарафи ҳар як фард эҳтироми худ, эҳтироми миллат ва эҳтироми ҷомеа аст.Мо мақоми омӯзгорро ҳар қадар баланд бардорем, ҷомеа ҳамон қадар муваффақу пешрафта мегардад»,- гуфта шуд дар ҳамоиш.
Таъкид гардид, ки мактаб, оила ва ҷомеа – ин се неруи масъулу тавоно бояд иттиҳоди ҳамешагӣ дошта бошанд ва ба хотири таълиму тарбияи шоистаи наврасону ҷавонон дар ҳамбастагӣ ҷидду ҷаҳд намоянд.
Иттилоъ дода шуд, ки давоми соли 2025 дар ҳудуди вилояти Хатлон баистифодадиҳии 139 иншооти гуногуни соҳаи маориф иборат аз 1277 адад синфхона барои 31925 ҷои нишаст дар як баст ва дар ду баст барои 63850 ҷои нишаст ба нақша гирифта шудааст, ки кушодашавии иншоот зина ба зина аз моҳи марти соли равон оғоз гардидааст.
Дар нимсолаи якуми соли 2025 дар шаҳру ноҳияҳои вилоят 24 иншооти гуногуни соҳа иборат аз 136 синфхона барои 3350 ҷои нишаст дар як баст ва дар ду баст барои 6700 ҷои нишаст сохта, ба истифода дода шудааст.
АКС: Хадамоти матбуоти Раиси вилояти Хатлон
Дар Муъминобод бахшида ба ҷашни 35-солагии Истиқлоли давлатӣ ҳамоиш доир шуд
Бахшида ба ҷашни Истиқлолияти давлатӣ дар ноҳияи Ёвон ҳамоиши бошукуҳи адабӣ-фарҳангӣ доир гардид
ИСТИҚЛОЛИЯТ ВА РУШДИ МАОРИФ. Дар ин давра дар Тоҷикистон шумораи мактабҳо, хонандагон ва омӯзгорон афзоиш ёфт
Имрӯз дар боғҳои пойтахт рӯзҳои фарҳанги вилояти Суғд ва ноҳияҳои Ванҷу Шуғнон баргузор мегарданд
Дар ноҳияи Ашт неругоҳи офтобӣ ба истифода дода мешавад
СОЛИ ОБОДОНИЮ СОЗАНДАГӢ. Дар шаҳри Хуҷанд васеъсозии роҳи хиёбони ба номи Раҳмон Набиев оғоз гардид
НИШАСТИ МАТБУОТӢ. Дар шаҳри Роғун 94 иншооти гуногун ба маблағи беш аз 400 миллион сомонӣ мавриди истифода қарор гирифтанд
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
35-СОЛАГИИ ИСТИҚЛОЛИ ДАВЛАТӢ. Дар ноҳияи Ашт осоишгоҳи замонавӣ бунёд карда мешавад
ОМОРИ МУОСИР ВА ЗАРУРАТИ ТАРБИЯИ КАДРҲОИ РАҚОБАТПАЗИР. Андешаҳо дар ин маврид
Сарвари давлат Эмомалӣ Раҳмон дар шаҳри Турсунзода якчанд иншооти иҷтимоӣ, истеҳсолӣ ва хизматрасониро ба таври фосилавӣ ифтитоҳ намуданд
