НИШАСТИ МАТБУОТӢ. Ба иқтисодиёти Тоҷикистон беш аз 3,3 миллиард доллар сармояи хориҷӣ ворид гардидааст
ДУШАНБЕ, 06.08.2025 /АМИТ «Ховар»/. Соли равон ба иқтисодиёти Тоҷикистон беш аз 3,3 миллиард доллари амрикоӣ сармояи хориҷӣ ворид гардидааст, ки нисбат ба ҳамин давраи соли 2024 зиёда аз 1,2 миллиард доллари амрикоӣ ё 59,4 фоиз зиёд мебошад. Дар ин хусус Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Султон Раҳимзода имрӯз дар нишасти матбуотӣ зимни натиҷагирии фаъолияти кумита дар шашмоҳаи якуми соли равон иттилоъ дод.
Иброз гардид, ки воридоти сармояи хориҷӣ аз кишварҳои Иттиҳоди Давлатҳои Мустақил беш аз 1,4 миллиард доллари амрикоӣ ё 42,8 фоиз аз ҳаҷми умумиро ташкил дода, нисбат ба ҳамин давраи соли 2024 ба ҳаҷми 588,4 миллион доллари амрикоӣ ё 71,4 фоиз афзоиш ёфтааст. Воридоти сармояи хориҷӣ аз кишварҳои хориҷии дур зиёда аз 1,8 миллиард доллари амрикоӣ ё 57,2 фоизро ташкил намудааст. Ин нишондиҳанда нисбат ба ҳамин давраи соли 2024 дар ҳаҷми 642,6 миллион доллари амрикоӣ ё 51,5 фоиз зиёд аст.
Султон Раҳимзода афзуд, ки Кумитаи давлатии сармоягузорӣ ва идораи амволи давлатӣ дар ин давра фаъолияти худро ба беҳтар намудани фазои сармоягузорию соҳибкорӣ, ҷалби сармояи хориҷӣ, татбиқи саривақтию самараноки лоиҳаҳои сармоягузории давлатӣ, дастгирии давлатии соҳибкорӣ ва истифодаи самараноки моликияти давлатӣ равона намудааст.
Кумита ҳамзамон барои ноил гардидан ба ҳадафҳои аз ҷониби Президенти Ҷумҳурии Тоҷикистон ва Ҳукумати Ҷумҳурии Тоҷикистон гузошта тадбирҳои мушаххас меандешад.
Марзия САИДЗОДА,
АМИТ «Ховар»
АКС: АМИТ «Ховар»
Соли 2025 аз ҳисоби андозҳо ва пардохтҳои дохилӣ ба буҷети давлатӣ 26,5 миллиард сомонӣ маблағ ворид гардид
Президенти Тоҷикистон Эмомалӣ Раҳмон: «Масъалаи захираи дусолаи маводи хӯрокворӣ дар ҳар оила нисбат ба ҳарвақта мубрамтар мегардад»
Дар Душанбе Конференсияи I байналмилалӣ оид ба масъалаҳои молия ва баҳисобгирӣ баргузор шуд
Соли 2025 табиати афсонавӣ ва чашмаҳои шифобахши Бадахшонро беш аз 51 ҳазор сайёҳ тамошо намуданд
Ҳайати Тоҷикистон дар Саммити зеҳни сунъӣ дар Деҳлии Нав иштирок менамояд
Агентии «Тоҷикстандарт»: «Ҳангоми хариди моеи зиддисардӣ — антифриз аз фурӯшанда сертификати мутобиқат талаб намоед!»
Ҳаҷми истеҳсоли маҳсулоти кишоварзии ноҳияи Мастчоҳ соли 2025 ба беш аз 1,6 миллиард сомонӣ расид
Бахшида ба Рӯзи таъсиси мақомоти гумрук дар Душанбе маҷлиси тантанавӣ баргузор гардид
Ширкати «ACWA Power» дар доираи татбиқи тарҳи энергетикӣ дар Тоҷикистон неругоҳи офтобӣ месозад
22 ЯНВАР — РӮЗИ КОРМАНДОНИ МАҚОМОТИ ГУМРУК. Таъмини амнияти иқтисодии Тоҷикистон рисолати асосии ин мақомот аст
Дар Форуми иқтисодии СПЕКА нишондиҳандаҳои гардиши савдои хориҷии Тоҷикистон муаррифӣ карда шуд
Ҳамкории Тоҷикистон ва Бонки аврупоии сармоягузорӣ дар соҳаи гидроэнергетика тақвият меёбад
