НИШАСТИ МАТБУОТӢ. Дар Тоҷикистон шумораи сайёҳони хориҷӣ ва субъектҳои хизматрасони сайёҳӣ зиёд шудааст
ДУШАНБЕ, 01.08.2025. /АМИТ «Ховар»/. Дар шашмоҳаи якуми соли 2025 ба Тоҷикистон 925 ҳазору 700 шаҳрванди хориҷӣ ворид гардид, ки аз ин шумора 762,3 ҳазорро сайёҳон ташкил медиҳанд. Ин нишондиҳанда нисбат ба ҳамин давраи соли 2024 31,3 фоиз зиёд мебошад. Дар ин хусус имрӯз зимни нишасти матбуотӣ муовини якуми Раиси Кумитаи рушди сайёҳии назди Ҳукумати Ҷумҳурии Тоҷикистон Рустам Холматиён ба хабарнигорон иттилоъ дод.
Аз шумораи умумии шаҳрвандони хориҷӣ беш аз 850,6 ҳазор нафар аз кишварҳои аъзои Иттиҳоди Давлатҳои Мустақил ва 75,1 ҳазор нафар аз давлатҳои хориҷи дур мебошанд.
Дар нишасти матбуотӣ гуфта шуд, ки барои рушди ҳамкории судманд бо шарикони стратегӣ дар бахши сайёҳӣ то имрӯз 30 санади ҳамкорӣ ба имзо расидааст. Аз ҷумла, Тоҷикистон дар самти сайёҳӣ бо Амороти Муттаҳидаи Араб, Шри-Ланка, Урдун, Узбекистон Қазоқистон, Русия, Швейтсария, Фаронса, Туркманистон, Муғулистон, Озарбойҷон, Эрон, Покистон, Беларус, Қатар, Кувайт, Швейтсария, маҷаллаи машҳури «Ҷаҳони дипломатӣ» («Diplomatic World»), Италия, Ҷумҳурии Мардумии Чин ва Созмони ҳамкории Шанхай ҳамкорӣ дорад.
Иттилоъ дода шуд, ки дар айни замон дар ҷумҳурӣ 353 субъекти хизматрасони сайёҳӣ ба сайёҳон хизмат мерасонад, ки нисбат ба соли гузашта 15 адад зиёд аст. Инчунин беш аз 200 ширкати сайёҳӣ бо 800 хатсайри сайёҳӣ фаъолият доранд, ки ҷаҳонгардон метавонанд бо ин хатсайрҳо маконҳои таърихӣ-сайёҳии Тоҷикистонро тамошо намоянд.
Моҳинави НАВРӮЗ,
АМИТ «Ховар»
АКС: АМИТ «Ховар»
Дар нуҳ моҳи соли 2025 зиёда аз 90 ҳазор нафар сайёҳ мавзеъҳои таърихию фарҳангии Тоҷикистонро тамошо карданд
Имсол дар Вилояти Мухтори Кӯҳистони Бадахшон даромад аз ҳисоби хизматрасонии сайёҳон 20,4 миллион сомониро ташкил дод
РУШДИ САЙЁҲӢ. Дар Суғд шумораи сайёҳони дохилӣ ва хориҷӣ афзоиш ёфта, инфрасохтори соҳа тақвият меёбад
Имкониятҳои сайёҳии Тоҷикистон дар намоишгоҳи байналмилалии «World Travel Market – 2025» муаррифӣ мегарданд
ШАРШАРАҲОИ ЗЕБОИ БАЛҶУВОН. Табиати нотакрори ин минтақаро беш аз 45 ҳазор сайёҳон тамошо карданд
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Намояндагони Донишгоҳи байналмилалии сайёҳӣ ва соҳибкории Тоҷикистон дар Саммити байналмилалии табодули академӣ иштирок намуданд
РУШДИ САЙЁҲӢ. Беш аз 90 ҳазор сайёҳон шаҳри бостонии Кӯлобро тамошо намуданд
Беш аз 46 ҳазор сайёҳи дохилию хориҷӣ бо мавзеъҳои зебои Данғара шинос гардиданд
РУШДИ САЙЁҲӢ. Имсол ба вилояти Хатлон беш аз 900 ҳазор сайёҳ ташриф овардааст
Пешвои миллат Эмомалӣ Раҳмон дар ҳудуди ноҳияи Данғара ба таври фосилавӣ Маркази хизматрасонии сайёҳӣ ва зиёда аз 50 километр роҳҳои мумфаршгардидаро ифтитоҳ намуданд
Имсол беш аз 30 ҳазор сайёҳон бо мавзеъҳои таърихии ноҳияи Восеъ шинос гардиданд
