ОМОДАГӢ БА СОЛИ НАВИ ТАҲСИЛ. Донишкадаи давлатии санъати тасвирӣ ва дизайни Тоҷикистон барои қабули донишҷӯён омода аст
ДУШАНБЕ, 28.08.2025 /АМИТ «Ховар»/. Ба истиқболи соли нави таҳсил ва 34-солагии Истиқлоли давлатии Ҷумҳурии Тоҷикистон бо ташаббуси раёсати Донишкадаи давлатии санъати тасвирӣ ва дизайни Тоҷикистон корҳои омодагӣ идома доранд.
Тавре ба АМИТ «Ховар» аз донишкада хабар доданд, дар давраи таътили тобистона тамоми синфхонаю устохонаҳо, даҳлезу роҳравҳо, бинои таълимӣ, толори Шурои олимон ва факултетҳо аз таъмиру ороиш бароварда шуда, атрофи муассиса рангубор карда шуд ва воситаҳои техникии таълим ба соли нави таҳсил омода гардиданд.
Дар ин давра 62 синфхонаю устохонаи таълимии муассиса пурра таъмир гардида, дарҳои ҳамаи синфхонаҳо комилан иваз карда шуданд. Ҳамзамон онҳо бо воситаҳои техникӣ, чун мизу курсӣ, тахтаи синф, лавозимоти расмкашӣ, воситаҳои техникӣ ва дигар асбоби аёнӣ муҷаҳҳаз гардидаанд.
Роҳравҳо аз ошёнаи якум то сеюм пурра таъмир гардида, атрофи бинои таълимӣ тозаю озода карда шуд ва зиёда аз 2000 адад гулҳои мавсимӣ шинонда шуданд.
Ҳамзамон дар хобгоҳи донишкада низ ҳолати омодагӣ дар сатҳи баланд аст. Хобгоҳ дорои 110 ҳуҷра буда, роҳравҳо ва намуди берунии бино аз таъмири ҷорӣ бароварда шуд. Барои қабули донишҷӯён дар ҳуҷраҳо 350 кати хоб ва мизу курсӣ барои дарстайёркунӣ гузошта шуда, ошхона, китобхона, толори маҷлисгоҳ ва майдончаи варзишӣ тозаю озода гардонида шуданд.
АКС: Донишкадаи давлатии санъати тасвирӣ ва дизайни Тоҷикистон
Дар Панҷакент корхонаи мурғпарварӣ ва ҳавзҳои моҳидорӣ ба фаъолият оғоз намуданд
Дар Душанбе Рӯзҳои фарҳанги шаҳрҳои Гулистон, Бӯстон, Истиқлол ва ноҳияҳои Вахш, Восеъ ва Ашт доир мегардад
Роҳи мошингарди Ёвон — Ваҳдат — Норак навсозӣ карда мешавад
Соҳибкори ватандӯст дар ноҳияи Варзоб тақрибан ду километр роҳи деҳаашро мумфарш кард
Маҷлиси Ҳукумати Ҷумҳурии Тоҷикистон баргузор шуд
Роҳи мошингарди Чимтеппа-Шарора-Ҳисор баъд аз таъмир мавриди истифода қарор дода шуд
Дар Душанбе Мусобиқаи ҷумҳуриявӣ оид ба ҷиу-ҷитсу ва грэплинг байни ҷавонон ва наврасон баргузор гардид
Беш аз 17 километр роҳи мошингарди Хуҷанд – Истиқлол мумфарш карда мешавад
ҲУВИЯТИ МИЛЛӢ – ТАҲКИМБАХШИ ВАҲДАТИ МИЛЛӢ. Назари коршинос дар ин мавзуъ
Роҳи маҳаллаи Гулистон то кӯчаи Абдулаҳад Қаҳҳорови ноҳияи Шоҳмансури шаҳри Душанбе навсозӣ ва мумфарш карда мешавад
Ба ифтихори Рӯзи Ваҳдати миллӣ дар шаҳри Турсунзода иншооти гуногун ба истифода дода шуд
