Рушди хатсайрҳои байналмилалии мултимодалӣ байни Тоҷикистон ва Туркманистон баррасӣ карда шуд
ДУШАНБЕ, 11.08.2025 /АМИТ «Ховар»/. Рушди ҳамкории Тоҷикистон ва Туркманистон дар соҳаи нақлиёт зимни мулоқоти Вазири нақлиёти Ҷумҳурии Тоҷикистон Азим Иброҳим бо Вазири нақлиёти автомобилии Туркманистон Бегенч Аннадурдиев дар шаҳри Туркменбошӣ баррасӣ гардид, иттилоъ медиҳад АМИТ «Ховар» бо истинод ба Вазорати нақлиёти Ҷумҳурии Тоҷикистон.
Роҳбарони мақомоти давлатии нақлиётии Тоҷикистону Туркманистон дурнамои густариши ҳамкории дуҷониба дар соҳаи нақлиёти автомобилӣ ва рушди хатсайрҳои байналмилалии мултимодалиро баррасӣ намуданд.
Таъкид шуд, ки дар ҳафт моҳи соли 2025 ҳаҷми умумии ҳамлу нақли бор байни ду давлат 26 ҳазору 465 тоннаро ташкил дод, ки нисбат ба ҳамин давраи соли 2024 8 ҳазору 783 тонна зиёд аст. Дар ин давра байни Тоҷикистон ва Туркманистон барои ҳамлу нақли байналмилалӣ 8000 ҳазор рухсатнома мубодила карда шуд.
Ҳамкории Тоҷикистону Туркманистон дар соҳаи нақлиёт дар асоси якчанд созишномаи дуҷонибаи байниҳукуматӣ, инчунин дар доираи узвият дар созмонҳои байналмилалӣ, аз ҷумла ЭСКАТО СММ, IRU ва ЭКО амалӣ карда мешавад.
АКС: Вазорати нақлиёти Ҷумҳурии Тоҷикистон
Дар Душанбе Форуми байналмилалии нассоҷӣ-Тоҷикистон–2026 баргузор гардид
Дар Тоҷикистон ҷамъоварии ангур идома дорад
Таҳкими ҳамкорӣ байни Тоҷикистон ва Созмони озуқаворӣ ва кишоварзӣ дар Рим баррасӣ гардид
Намояндагони Тоҷикистон дар Конфронси глобалии Созмони озуқаворӣ ва кишоварзӣ дар Италия иштирок намуданд
Рушди фарҳанги экологӣ дар ҷаласаи Шурои экологии Иттиҳоди Давлатҳои Мустақил баррасӣ карда шуд
Намояндагони Бонки Осиёии Рушд бо фаъолияти гузаргоҳи «Фотеҳобод — Ойбек» шинос шуданд
Дар Душанбе Намоишгоҳи байналмилалии «Нақлиёт ва логистикаи Созмони ҳамкории Шанхай» доир мешавад
ҒИЗОИ СОЛИМ. Хушкмеваҳои Тоҷикистон манбаи бойи витаминҳо, минералҳо, антиоксидантҳо ва нахҳои хӯрокворӣ мебошанд
ОМОДАГӢ БА ЗИМИСТОНГУЗАРОНӢ. Дар Тоҷикистон захиранамоии хӯроки чорво идома дорад
Кишоварзони Тоҷикистон беш аз 614 ҳазор тонна гандум ҷамъоварӣ намуданд
Дар ноҳияи Вахш ҷамъоварии ангур идома дорад
Дар вилояти Суғд беш аз 1300 корхонаи саноатӣ фаъолият менамоянд
