Сатҳи забондонии кормандони милитсияи Хатлон санҷида мешавад
ДУШАНБЕ, 26.08.2025. /АМИТ «Ховар»/. 22-23 август ҳайати шахсии шуъбаву хадамоти дастгоҳи марказии Раёсати Вазорати корҳои дохилӣ дар вилояти Хатлон дар ҳузури комиссияи санҷиши сатҳи забондонӣ аз забонҳои русӣ ва англисӣ имтиҳон супорид. Дар ин хусус ба АМИТ «Ховар» аз Вазорати корҳои дохилии мамлакат хабар доданд.
Ҳайати комиссия барои муайян кардани забондонии кормандон тавассути саволномаи тестӣ ва муоширати мустақим аз фанҳои забони русӣ ва англисӣ санҷиш гузаронид.
Кормандон донишҳои назариявӣ ва маҳорати забондонии худро нишон доданд. Дар ин замина минбаъд низ санҷиши омӯзиши забонҳои хориҷӣ идома ёфта, марҳилаи навбатии машғулияти забономӯзӣ оғоз меёбад.
Фаъолияти Комиссияи санҷиши сатҳи забондонии кормандони мақомоти корҳои дохилӣ дар вилояти Хатлон идома дошта, бо тартиби муайяншуда сатҳи забондонии ҳайати шахсии дастгоҳи марказии Раёсати Вазорати корҳои дохилӣ дар вилояти Хатлон пурра санҷида мешавад.
Бояд гуфт, ки бо мақсади таъмини фармони Президенти Ҷумҳурии Тоҷикистон «Дар бораи омӯзиши забонҳои хориҷӣ» барои омӯзиши забонҳои хориҷӣ, аз ҷумла забонҳои русӣ ва англисӣ ҳамчун забонҳои муоширати байналмилалӣ аз ҷониби роҳбарияти Вазорати корҳои дохилии Ҷумҳурии Тоҷикистон тадбирҳои зарурӣ андешида мешаванд. Ҳамзамон дар тамоми воҳидҳои сохтории мақомот дарсҳои забони хориҷӣ бо ҷалби омӯзгорони ботаҷрибаи фанҳои забонҳои русӣ ва англисӣ ба роҳ монда шудаанд.
АКС: Вазорати корҳои дохилии Ҷумҳурии Тоҷикистон
Натиҷаҳои даъвати шаҳрвандон ба сафи Қувваҳои Мусаллаҳи Тоҷикистон ҷамъбаст гардиданд
ФАРЗАНДОНИ ХУДРО БЕНАЗОРАТ НАГУЗОРЕД! Ҳангоми шиноварӣ қоидаҳои бехатариро бояд риоя намуд
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
