Таҳкими ҳамкорӣ байни Тоҷикистон ва вилояти Форси Эрон дар бахши ҷавонон ва варзиш баррасӣ гардид
ДУШАНБЕ, 29.08.2025 /АМИТ «Ховар»/. Ҳайати Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар вилояти Форси Ҷумҳурии Исломии Эрон бо роҳбарияти вилоят ва мудири кулли варзиш ва ҷавонони шаҳри Шероз мулоқоти судманд анҷом доданд.
АМИТ «Ховар» бо истинод ба Кумитаи кор бо ҷавонон ва варзиши назди Ҳукумати Ҷумҳурии Тоҷикистон иттилоъ медиҳад, ки дар мулоқот мусоҳибон масъалаҳои густариши ҳамкории фарҳангӣ ва маънавиро дар самти кор бо ҷавонон ва варзиш ва дигар самтҳои муҳим байни Тоҷикистон ва Эронро баррасӣ намуданд.
Ҳайати Тоҷикистон ҳамчунин маконҳои маъруфи таърихиву фарҳангии шаҳри Шероз, аз ҷумла осорхонаву оромгоҳи Шоҳи Чароғ, оромгоҳи орифони бузург ва шоирони тавонои классики тоҷику форс Саъдии Шерозӣ ва оромгоҳи Хоҷа Шамсуддин Муҳаммад Ҳофизро тамошо ва зиёрат намуданд.
Ҳайати Тоҷикистон бо зиндагӣ ва мероси маънавии шоирону орифони бузург шинос гардид. Таъкид шуд, ки осори гаронбаҳои Саъдӣ ва Ҳофиз то имрӯз ҳамчун сарчашмаи маърифат, ахлоқ ва дӯстиву ҳамбастагии фарҳангии халқҳои тоҷику форс боқӣ мондаанд.
Шиносоии ҳайати Тоҷикистон бо вилояти Форс рамзи эҳтиром ба таърих ва фарҳанги муштарак, ҳамчунин қадами устувор дар таҳкими робитаҳои дӯстона ва ҳамкории илмию фарҳангӣ байни Тоҷикистон ва Эрон арзёбӣ гардид.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
ЧЕМПИОНАТИ CAFA-2025. Дастаи мунтахаби занонаи то 18-солаи Тоҷикистон бо дастаи занонаи Узбекистон бозиро мусовӣ кард
Дар даврони соҳибистиқлолии Тоҷикистон бо шарофати варзишгарон Парчами давлатӣ зиёда аз 7500 маротиба баланд бардошта шуд
«ВАРЗИШГАРОН — ПАРЧАМБАРДОРОНИ МИЛЛАТ». Дар Донишкадаи тарбияи ҷисмонии Тоҷикистон ҳамоиши тантанавӣ баргузор шуд
Варзишгарони тоҷик дар Бозиҳои 6-уми ҳамбастагии исломӣ-2025 соҳиби ҳашт медал шуданд
ҶОМИ ОСИЁ ОИД БА ҶУДО БАЙНИ НАВРАСОН ВА ҶАВОНОН-2025. Варзишгарони тоҷик дар рӯзи якум 3 медали тилло ба даст оварданд
«ҶАВОНОН ВА ВАРЗИШГАРОН -САДОҚАТ БА ПЕШВОИ МИЛЛАТ ВА ПАРЧАМИ ДАВЛАТӢ». Бо чунин унвон «Дав барои хушҳолӣ» баргузор гардид
Дар ноҳияи Ёвон варзишгарони ҷавон барои дастовардҳои назаррас қадрдонӣ шуданд
Парчами давлатии Тоҷикистон давоми нуҳ моҳ ба шарафи варзишгарони тоҷик зиёда аз 320 маротиба баланд бардошта шуд
Душанбе мизбони мусобиқаҳои бонуфузи қитъавӣ – Ҷоми Осиё оид ба ҷудо байни наврасон ва ҷавонон-2025 мегардад
Дастаи мунтахаби Тоҷикистон дар бозии даври панҷуми марҳилаи интихобии Ҷоми Осиё-2027 дастаи Тимори Шарқиро мағлуб намуд
Дастаи наврасони Тоҷикистон (U-15) дар бозии санҷишӣ дастаи мунтахаби Русияро мағлуб кард
Горан Стеванович: «Мо ба шаҳри Дарвин барои ба даст овардани се имтиёз омадаем»
