Тавассути Маркази барномаҳои байналмилалӣ беш аз 117 ҳазор шаҳрванди Тоҷикистон дар хориҷа таҳсил намудааст
ДУШАНБЕ, 22.08.2025. /АМИТ «Ховар»/. Муассисаи давлатии «Маркази барномаҳои байналмилалӣ» аз соли фаъолият то имрӯз зиёда аз 117 ҳазор нафар шаҳрвандони Ҷумҳурии Тоҷикистонро барои таҳсил ба 42 давлати ҷаҳон равон намудааст. Аз ин шумора 30 фоизро духтарон ташкил медиҳанд. Дар ин хусус зимни вохӯрӣ дар Маркази барномаҳои байналмилалӣ бо донишҷӯёни тоҷике, ки тибқи Стипендияи байналмилалии Президенти Ҷумҳурии Тоҷикистон «Дурахшандагон» дар хориҷа таҳсил менамоянд, иттилоъ дода шуд.
Тавре ба АМИТ «Ховар» аз Вазорати маориф ва илми Ҷумҳурии Тоҷикистон иттилоъ доданд, Маркази барномаҳои байналмилалӣ шуруъ аз соли 2008 фаъолият дошта, вазифаи асосии он интихоб, роҳнамоӣ ва фиристодани довталабон ба муассисаҳои таҳсилоти олии хориҷӣ тавассути стипендияҳо, грантҳо ва дигар барномаҳои байналмилалӣ мебошад.
Танҳо дар соли таҳсили 2024-2025 тибқи стипендияи «Дурахшандагон» 131 довталаб ба таҳсил ҷалб гардид.
Зимни вохӯрӣ доир ба ҷанбаҳои муҳими интихоби муассисаҳои таълимӣ, тартиби таҳияи ҳуҷҷатҳо, зарурати сатҳи хуби забондонӣ ва омодагӣ ба имтиҳонҳои байналмилалӣ, аз ҷумла TOEFL, IELTS ва Duolingo маълумоти муфассал пешниҳод карда шуд.
АКС: Вазорати маориф ва илми Ҷумҳурии Тоҷикистон
Эмомалӣ Раҳмон: «Муассисаи таълимии №6-и шаҳри Хоруғ ба номи шодравон Алишери Мирзонабот гузошта шавад»
Президенти Ҷумҳурии Тоҷикистон Эмомалӣ Раҳмон дар шаҳри Хоруғ бинои нави муассисаи таҳсилоти миёнаи умумии №6-ро мавриди истифода қарор доданд
Солҳои охир теъдоди муассисаҳои таълимӣ дар Бадахшон ба таври бесобиқа афзоиш ёфтааст
Дар солҳои соҳибистиқлолӣ дар шаҳру ноҳияҳои Суғд 986 муассисаи таълимӣ ба истифода дода шуд
Байни Академияи идоракунии давлатии Тоҷикистон ва Донишгоҳи технологии Ланҷоу Ёддошти тафоҳум ба имзо расид
157 довталаб аз шаҳри Душанбе ба даври ниҳоии Озмуни ҷумҳуриявии «Илм – фурӯғи маърифат» роҳхат гирифтанд
ТАШАББУСИ ТОҶИКИСТОН ДАР РУШДИ ЗЕҲНИ СУНЪИИ БЕХАТАР ДАР АРСАИ ҶАҲОНӢ. Мулоҳизаҳо дар ин маврид
Доир ба масоили муҳими соҳаи нақлиёт ва инфрасохтори роҳҳо конференсияи байналмилалӣ баргузор шуд
ФАРДОИ ТОҶИКИСТОН ИМРӮЗ ДАР МАКТАБ АСТ. Андешаҳо дар ҳошияи суханронии Президенти Ҷумҳурии Тоҷикистон дар Рӯзи дониш
Зиёда аз 40 ҳазор нафар ҷавонони Тоҷикистон дар муассисаҳои таҳсилоти олии қариб 50 кишвари ҷаҳон илму дониш ва касбҳои муосир меомӯзанд
Масоили омода намудани мутахассисон дар дохил ва хориҷи Тоҷикистон баррасӣ шуд
350 нафар донишҷӯёни тоҷик дар Ҷумҳурии Корея таҳсил менамоянд
