ТУҲФАИ АРЗАНДАИ ПРЕЗИДЕНТИ ТОҶИКИСТОН. «Шоҳнома»-и безаволи Фирдавсӣ ба сокинони ноҳияи Лахш тақдим гардид
ЛАХШ, 22.08.2025 /АМИТ «Ховар»/. Бо ташаббус ва ғамхории Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба китобхонаю муассисаҳои таълимӣ ва сокинони ноҳияи Лахш китоби безаволи «Шоҳнома»-и Абулқосим Фирдавсӣ ҳамчун рамзи арҷгузорӣ ба таъриху фарҳанги гузаштагонамон тақдим карда шуд. Дар ин хусус ба хабарнигори минтақавии АМИТ «Ховар» Субҳониддини Маҳмуд аз Мақомоти иҷроияи ҳокимияти давлатии ноҳияи Лахш хабар доданд.
Тибқи иттилои манбаъ, 20 ҳазору 100 нусха китоби «Шоҳнома», иборат аз ду ҷилд ба 10 ҳазору 50 хонавода тақсим карда шуд. Тақдими ин китобҳо ба ҳар хонавода бо ҳузури масъулини Мақомоти иҷроияи ҳокимияти давлатии ноҳия, роҳбарони ташкилоту муассисаҳо ва намояндагони муассисаҳои фарҳангию таълимӣ доир гардид.
Бояд гуфт, ки китоби безаволи «Шоҳнома»-и Абулқосим Фирдавсӣ яке аз асарҳои безаволи адабиёти тоҷику форс буда, арзишҳои таърихӣ, фарҳангӣ ва маънавии миллати тоҷикро инъикос менамояд. Пешвои миллат муҳтарам Эмомалӣ Раҳмон борҳо таъкид намудаанд, ки мутолиаи чунин китобҳо барои худшиносӣ, худогоҳӣ ва ифтихори миллӣ аҳамияти калон дорад.
Дар баробари ҳар хоҷагӣ ба муассисаҳои таълимӣ, китобхонаҳо, марказҳои фарҳангии деҳот ва ташкилоту муассисаҳо низ якнусхагӣ аз ду ҷилди китоби «Шоҳнома» расонида шуд.
Роҳбарони ташкилоту муассисаҳо иброз доштанд, ки ин туҳфаи Пешвои миллат муҳтарам Эмомалӣ Раҳмон барои арҷгузорӣ ба мероси гаронбаҳои фарҳангии халқи тоҷик ва тарбияи маънавию ахлоқии насли наврас аҳамияти ҷиддӣ дошта, дар рушди худшиносию худогоҳӣ ва густариши маърифат дар байни мардум, бахусус ҷавонон нақши муҳиму созанда дорад.
Намояндагони Агентии хизмати давлатии назди Президенти Ҷумҳурии Тоҷикистон шахсан ба хонаҳои сокинон рафта, китобҳоро тақдим намуданд, ки дар онҳо таърихи пурғановат, мероси фарҳангӣ ва роҳи рушди халқи тоҷик инъикос ёфтааст. Ин китоб на танҳо ганҷинаи маънавӣ, балки сарчашмаи муҳими дониш барои тарбияи насли наврас дар руҳияи худшиносӣ, ватанпарварӣ ва эҳтироми анъанаҳои ниёгон мебошад.
Сокинони ноҳия ин китоби арзишмандро бо шодию сипос қабул намуданд. Омӯзгор Мирзоаҳмад Сайғуфронов гуфт, ки «барои мо ин китоб аҳамияти хосса дорад, зеро дар он таърих ва ҳикмати ниёгони мо гирд оварда шудааст. Ба Президенти Тоҷикистон барои тарғиби ватандӯстӣ ва тақдими ин китоби таърихӣ ба мо арзи сипос менамоем».
АКС: Мақомоти иҷроияи ҳокимияти давлатии ноҳияи Лахш
Дар Фестивали байналмилалии «Интермузей. БРИКС+» густариши ҳамкорӣ байни осорхонаҳо баррасӣ шуд
Дар Донишгоҳи технологии Тоҷикистон даври якуми Озмуни ҷумҳуриявии «Донандаи беҳтарини асарҳои Пешвои миллат» доир гардид
Бахшида ба 35-солагии робитаҳои бародаршаҳрӣ байни Душанбе ва Санкт-Петербург дар Осорхонаи миллӣ намоиши аксҳо ифтитоҳ ёфт
Аъзои ҳайати шаҳри Санкт-Петербург дар Осорхонаи миллӣ бо давраҳои пурифтихори таъриху фарҳанги бостонии тоҷикон шинос шуданд
Дабири кулли САҲА дар Осорхонаи миллии Тоҷикистон бо тамаддуни миллати тоҷик шинос шуд
Рушди ҳамкории фарҳангии Тоҷикистону Қирғизистон баррасӣ шуд
«…МОДАР ЯКТОСТ, ТОҶИКИСТОН ЯКТОСТ…». Ба зодрӯзи Шоири халқии Тоҷикистон устод Лоиқ Шералӣ 85 сол пур шуд
«МЕАНДЕШАМ, ПАС ҲАСТАМ». Таҳти ин унвон намоиши осори Рассоми халқии Тоҷикистон Суҳроб Қурбонов ташкил карда мешавад
Дар Бишкек маросими тантанавии ифтитоҳи Рӯзҳои фарҳанги Ҷумҳурии Тоҷикистон баргузор гардид
Дар Донишкадаи санъати тасвирӣ ва дизайни Тоҷикистон даврҳои омӯзишии «Эбру», 3D ва колиграфия ифтитоҳ шуданд
«ЗЕБОИИ ТОҶИКИСТОН–МЕРОС БАРОИ ОЯНДА». Дар Бишкек намоишгоҳи санъати тасвирии Тоҷикистон ифтитоҳ ёфт
Дар Хуҷанд даври шаҳрии Озмуни ҷумҳуриявии «Тоҷикистон— Ватани азизи ман» оғоз шуд
