Зиёда аз 36 ҳазор хонандагони синфҳои ибтидоии Тоҷикистон бо хӯроки гарм таъмин мегарданд
ДУШАНБЕ, 30.08.2025. /АМИТ «Ховар»/. Имсол зиёда аз 36 ҳазор хонандагони синфҳои ибтидоӣ дар 94 муассисаи таълимии мамлакат ҳамарӯза бо хӯроки гарм таъмин мегарданд. Дар ин хусус зимни баргузории ҳамоиш оид ба ташкил ва идораи ғизои мактабӣ маълумот дода шуд.
Тавре аз Вазорати маориф ва илми Ҷумҳурии Тоҷикистон ба АМИТ «Ховар» иттилоъ доданд, дар вилояти Хатлон 40 муассиса, дар вилояти Суғд 24 муассиса, дар Вилояти Мухтори Кӯҳистони Бадахшон 8 муассиса, дар шаҳру ноҳияҳои тобеи ҷумҳурӣ 15 муассиса ва дар шаҳри Душанбе 7 муассиса бо ғизои мактабӣ таъмин мегарданд.
Ҳифзи солимии кӯдакон яке аз масъалаҳои афзалиятноки Ҳукумати Ҷумҳурии Тоҷикистон ба шумор рафта, ғизои мактабӣ барои баланд бардоштани давомот дар мактабҳои ибтидоӣ воситаи самаранок эътироф гардидааст. Ғизои солим талаботи зарурӣ барои рушди миллӣ ва беҳбуди аҳолӣ буда, «Барномаи давлатии ғизои мактабӣ дар Ҷумҳурии Тоҷикистон барои солҳои 2022-2027» барои беҳтар намудани солимии аҳолӣ, аз ҷумла солимии кӯдакону наврасон таҳия ва қабул гардидааст.
Аз соли 2022 маблағгузории буҷетӣ барои ғизои мактабӣ пайваста афзоиш меёбад. Соли 2024 зиёда аз 11,6 миллион сомонӣ барои таъмини 25 ҳазор хонанда дар 55 муассисаи таълимӣ ҷудо гардид, ки зиёда аз 80 фоизи он амалӣ шуд.
Тибқи Қарори Ҳукумати Ҷумҳурии Тоҷикистон соли 2025 маблағгузорӣ ба 18,8 миллион сомонӣ расид, ки нисбат ба соли 2024 60 фоиз зиёд аст.
Дар ҷараёни ҳамоиш вобаста ба бартараф намудани мушкилоти мавҷудаи соҳа, аз ҷумла таъмини мактаббачагон бо ғизои солим аз ҷониби иштирокчиён таклифҳои муфид пешниҳод гардиданд.
АКС: Вазорати маориф ва илми Ҷумҳурии Тоҷикистон
Эмомалӣ Раҳмон: «Муассисаи таълимии №6-и шаҳри Хоруғ ба номи шодравон Алишери Мирзонабот гузошта шавад»
Президенти Ҷумҳурии Тоҷикистон Эмомалӣ Раҳмон дар шаҳри Хоруғ бинои нави муассисаи таҳсилоти миёнаи умумии №6-ро мавриди истифода қарор доданд
Солҳои охир теъдоди муассисаҳои таълимӣ дар Бадахшон ба таври бесобиқа афзоиш ёфтааст
Дар солҳои соҳибистиқлолӣ дар шаҳру ноҳияҳои Суғд 986 муассисаи таълимӣ ба истифода дода шуд
Байни Академияи идоракунии давлатии Тоҷикистон ва Донишгоҳи технологии Ланҷоу Ёддошти тафоҳум ба имзо расид
157 довталаб аз шаҳри Душанбе ба даври ниҳоии Озмуни ҷумҳуриявии «Илм – фурӯғи маърифат» роҳхат гирифтанд
ТАШАББУСИ ТОҶИКИСТОН ДАР РУШДИ ЗЕҲНИ СУНЪИИ БЕХАТАР ДАР АРСАИ ҶАҲОНӢ. Мулоҳизаҳо дар ин маврид
Доир ба масоили муҳими соҳаи нақлиёт ва инфрасохтори роҳҳо конференсияи байналмилалӣ баргузор шуд
ФАРДОИ ТОҶИКИСТОН ИМРӮЗ ДАР МАКТАБ АСТ. Андешаҳо дар ҳошияи суханронии Президенти Ҷумҳурии Тоҷикистон дар Рӯзи дониш
Зиёда аз 40 ҳазор нафар ҷавонони Тоҷикистон дар муассисаҳои таҳсилоти олии қариб 50 кишвари ҷаҳон илму дониш ва касбҳои муосир меомӯзанд
Масоили омода намудани мутахассисон дар дохил ва хориҷи Тоҷикистон баррасӣ шуд
350 нафар донишҷӯёни тоҷик дар Ҷумҳурии Корея таҳсил менамоянд
