35-СОЛАГИИ ИСТИҚЛОЛИ ДАВЛАТӢ. Барои кормандони соҳаи ҳифзи муҳити зист 4 бинои маъмурӣ ба истифода дода мешавад
ДУШАНБЕ, 21.09.2025 /АМИТ «Ховар»/. Тибқи нақшаи омодагӣ ба ҷашни 35-солагии Истиқлоли давлатии Тоҷикистон, барои кормандони соҳаи ҳифзи муҳити зист дар шаҳру ноҳияҳои мамлакат ба таври илова 4 бинои маъмурӣ бо харҷи зиёда аз 40 миллион сомонӣ ба истифода дода мешавад. Дар ин хусус Президенти Ҷумҳурии Тоҷикистон муҳтарам Эмомалӣ Раҳмон 17 сентябр зимни суханронӣ дар назди кормандони Кумитаи ҳифзи муҳити зисти ҷумҳурӣ ибрози назар намуданд.
Ёдовар мешавем, ки 17 сентябр барои беҳтар намудани вазъи иҷтимоии кормандони соҳаи ҳифзи муҳити зист дар шаҳри Душанбе ду бинои 11-ошёнаи истиқоматӣ барои 120 оила бо арзиши 59 миллион сомонӣ ба истифода дода шуд.
Сарвари давлат таъкид намуданд, ки роҳбарият ва ҳар корманди соҳаро зарур аст, ки бо истифода аз шароиту имконияти муҳайёгардида вазифаҳои хизматиро бо дарки баланди масъулият иҷро намоянд. Ҳифзи муҳити зист, истифодаи самараноки захираҳои табиӣ ва таъмин намудани амнияти экологӣ вазифаи бисёр муҳимми ҷомеаи ҷаҳонӣ, аз ҷумла Тоҷикистон маҳсуб мешавад. Зеро дар даҳсолаҳои охир бо сабаби истифодаи бенизоми сарватҳои табиӣ экосистемаҳо таназзул ёфта, идома ёфтани ин ҳолат боиси мушкилоти ҷиддии экологӣ мегардад.
Бинобар ин ҳифзи муҳити зист, гуногунии биологӣ ва истифодаи оқилонаи сарватҳои табиӣ амалӣ кардани чораҳои таъхирнопазир ва муассирро тақозо менамоянд. Дар ин замина танзим ва идораи муносибати инсон бо табиат тавассути меъёрҳои ҳуқуқӣ зарур мебошад.
АКС: АМИТ «Ховар»
35-СОЛАГИИ ИСТИҚЛОЛИ ДАВЛАТӢ. Дар шаҳри Гулистон корҳои созандагию ободкорӣ вусъат меёбанд
35-СОЛАГИИ ИСТИҚЛОЛИ ДАВЛАТӢ. Дар шаҳраки Адрасмон корҳои созандагиву ободонӣ вусъат меёбанд
Бахшида ба Рӯзи кормандони соҳаи меҳнат ва ҳифзи иҷтимоии аҳолӣ ҳамоиш доир шуд
ТАРМАФАРОӢ. Имрӯз дар баъзе ноҳияҳои Тоҷикистон фаромадани тарма пешгӯӣ мешавад
Дар вилояти Хатлон оид ба таълим ва тарбияи ҳуқуқии шаҳрвандон ҷаласа доир шуд
ҲАДАФ-ҲИФЗИ ПАРАНДАГОН ВА ҲАЙВОНОТ. Дар Тоҷикистон корҳои биотехникӣ гузаронида мешаванд
Муассисаҳои таълимии таҳсилоти ибтидоӣ ва миёнаи касбӣ бо таҷҳизоти муосири омӯзишӣ таъмин карда мешаванд
«МО НАКУНЕМ, КӢ МЕКУНАД?». Дар Душанбе бо иштироки волонтёрон ҳашари барфтозакунӣ ташкил гардид
Аз шаби дирӯз то имрӯз дар масири Душанбе-Чанок 29 тарма фаромадааст
Лоиҳаи нави барномаи грантии Иттиҳоди Аврупо дар соҳаи таҳсилоти касбӣ-техникӣ баррасӣ шуд
ПЕШГИРИИ ОВОРАГАРДИИ НОБОЛИҒОН. Бо ин мақсад дар шаҳри Бохтар санҷиши шабона гузаронида шуд
ОГОҲИИ АГЕНТИИ ОБУҲАВОШИНОСӢ. Пагоҳ дар Тоҷикистон ҳавои номусоид пешгӯӣ мешавад
