Ҷаласаи Гурӯҳи коршиносони миллӣ барои омодагӣ ба даври сеюми баҳодиҳии мутақобили низоми муайян доир шуд
ДУШАНБЕ, 16.09.2025 /АМИТ «Ховар»/. Дар Бонки миллии Тоҷикистон ҷаласаи якуми Гурӯҳи коршиносони миллӣ барои омодагӣ ба даври сеюми баҳодиҳии мутақобили низоми муқовимат ба қонунигардонӣ (расмикунонӣ)-и даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом (МҚД/МТ/МПСҚО) дар Ҷумҳурии Тоҷикистон баргузор гардид. Дар ин хусус АМИТ «Ховар» бо истинод ба Бонки миллии Тоҷикистон иттилоъ медиҳад.
Гурӯҳи коршиносони миллӣ мутобиқи банди 1.3 «Нақшаи чорабиниҳо доир ба омодагӣ ба даври сеюми баҳодиҳии мутақобили низоми МҚД/МТ/МПСҚО дар Ҷумҳурии Тоҷикистон барои солҳои 2025-2027», ки аз ҷониби Сарвазири Ҷумҳурии Тоҷикистон 11 июли соли 2025 тасдиқ шудааст, ташкил гардида, ба ҳайати он намояндагони вазорату идораҳои марбутаи мамлакат дохил мебошанд.
Дар ҷаласа масъалаҳо доир ба стандартҳои Гурӯҳи татбиқи чораҳои молиявии мубориза бар зидди пулшӯӣ (ФАТФ), раванди даври сеюми баҳодиҳии мутақобили низоми миллии МҚД/МТ/МПСҚО ва Нақшаи чорабиниҳо доир ба омодагӣ ба даври сеюми баҳодиҳии мутақобили низоми МҚД/МТ/МПСҚО дар Ҷумҳурии Тоҷикистон барои солҳои 2025-2027 баррасӣ гардиданд.
Аъзои Гурӯҳи коршиносони миллӣ ба омӯзиши талаботи тавсияҳои ФАТФ ва тартиби гузаронидани даври сеюми баҳодиҳии мутақобили Гурӯҳи Авруосиё оид ба муқовимат ба қонунигардонии даромадҳои бо роҳи ҷиноят бадастоварда ва маблағгузории терроризм фаро гирифта шуда, дар ҷамъоварии маълумот, мусоҳиба ва вохӯриҳо бо баҳогузорон иштирок менамоянд. Дар интиҳои ҷаласа аъзои Гурӯҳи коршиносони миллӣ даъват карда шуданд, ки барои аз даври навбатии баҳодиҳии мутақобил муваффақона гузаштани ҷумҳурӣ масъулияти баланди касбӣ нишон дода, дар ҳамкорӣ ва ҳамоҳангӣ фаъолият намоянд.
Дар айни замон дар доираи Гурӯҳи Авруосиё оид ба муқовимат ба қонунигардонии даромадҳои бо роҳи ҷиноят бадастоварда ва маблағгузории терроризм даври сеюми баҳодиҳии мутақобил оғоз гардидааст. Ҷумҳурии Тоҷикистон аз он солҳои 2026-2027 мегузарад.
АКС: Бонки миллии Тоҷикистон
Бахшида ба 35-солагии Истиқлолити давлатӣ дар Фурудгоҳи байналмилалии Душанбе ҷамъомади тантанавӣ доир шуд
Дар Хоруғ рушди рақамикунонӣ дар низоми энергетикии Бадахшон баррасӣ шуд
Бахшида ба 35-солагии Истиқлоли давлатӣ дар Кумитаи ҳифзи муҳити зист ҷамъомади тантанавӣ баргузор шуд
Тоҷикистон ва Кувайт ҳамкории байнибонкиро тақвият медиҳанд
ҚУРБИ АСЪОР: 1 доллари ИМА аз 9.1800 то 9.2486 сомонӣ муқррар шудааст
Бахшида ба Рӯзи авиатсияи граждании Ҷумҳурии Тоҷикистон дар Душанбе ҷамъомади тантанавӣ доир гардид
Бонки миллии Тоҷикистон ба ифтихори 35-солагии Истиқлоли давлатии Ҷумҳурии Тоҷикистон тангаҳои хотиравиро ба фурӯш баровард
Душанбе мизбони Фестивали зеҳни сунъӣ ва технологияҳои рақамӣ — «AI ALLEY» мегардад
Аз шаҳри Турсунзода ба шаҳру ноҳияҳои мамлакат беш аз 70 ҳазор тонна маҳсулот содирот гардид
Ниҳодҳои олии аудити Тоҷикистон ва Чин ҳамкориро тақвият мебахшанд
