Дар Бонки миллии Тоҷикистон бозомӯзии кормандони бонкҳои марказии аъзои Шурои бонкҳои марказии АвруОсиё доир гардид
ДУШАНБЕ, 28.09.2025. /АМИТ «Ховар»/. Бо мақсади бозомӯзии кормандони бонкҳои марказии (миллии) аъзои Шурои бонкҳои марказии (миллии) АвруОсиё дар Маркази таълимии Бонки миллии Тоҷикистон дар мавзуи «Маблағгузории шарикӣ (бонкдории исломӣ) дар ҷумҳуриҳои Тоҷикистон, Қазоқистон ва Қирғизистон» семинари омӯзишӣ гузаронида шуд. Дар ин хусус ба АМИТ «Ховар» аз Бонки миллии Тоҷикистон хабар доданд.
Дар семинари омӯзишӣ намояндагони бонкҳои марказӣ аз Федератсияи Русия, Қазоқистон, Узбекистон, Қирғизистон ва Тоҷикистон иштирок намуда, зиёда аз 250 нафар намояндагони бонкҳои марказии кишварҳои АвруОсиё ба он тариқи фосилавӣ пайваст гардиданд.
Дар машғулият ба иштирокдорон оид ба асосҳои маблағгузории исломӣ, заминаи меъёрии ҳуқуқӣ барои танзим ва назорати фаъолияти ташкилоти қарзии исломӣ, таърихи татбиқи бонкдории исломӣ дар Ҷумҳурии Тоҷикистон, нақши стандартҳои байналмилалии Шурои машваратии хизматрасонии бонкии исломӣ (IFSB) ва стандартҳои Ташкилоти баҳисобгирии муҳосибӣ ва аудит барои муассисаҳои молиявии исломӣ (AAOIFI) ва рушди низоми бонкии Ҷумҳурии Тоҷикистон рӯнамоҳо пешниҳод гардиданд.
Иштирокдорон изҳор доштанд, ки ташкили чунин семинарҳои омӯзишӣ дар таҳкими муносибатҳои мақомоти танзим ва назорати бонкии байни давлатҳо нақши муассир мегузорад.
АКС: Бонки миллии Тоҷикистон
Дар Бонки миллии Тоҷикистон масъалаи сифати аудити берунаи ташкилотҳои суғуртавӣ баррасӣ гардид
«Саноатсодиротбонк» барои дастгирии соҳибкорӣ ва иқтисоди «сабз» «Иқдоми нав дар Соли нав»-ро роҳандозӣ менамояд
«Саҳифаи интернетии мутамарказ барои муқоисаи нархҳо/пешниҳодҳо»-и хизматрасониҳои молиявӣ таҳия карда мешавад
Хазинаи байналмилалии асъор шарҳи сеюм ва ниҳоии барномаи PCI-ро дар Тоҷикистон муваффақона анҷом дод
ҚУРБИ АСЪОР: 1 евро аз 10.9020 то 10.9600 сомонӣ муқаррар шудааст
Стратегияи нави ҳамкории кишварии Гурӯҳи Бонки ҷаҳонӣ бо Тоҷикистон барои солҳои 2026–2031 муаррифӣ гардид
