Дар Ню-Йорк таҷрибаи муваффақи Тоҷикистон оид ба баргардонидани занону кӯдакон аз урдугоҳҳои Сурия муаррифӣ шуд
ДУШАНБЕ, 30.09.2025 /АМИТ «Ховар»/. 26 сентябр Сафири Фавқулода ва Мухтори Ҷумҳурии Тоҷикистон дар Давлати Кувайт ва Роҳбари гурӯҳи корӣ вобаста ба баргардонидани занону кӯдакони тоҷикистонӣ аз урдугоҳҳои Ҷумҳурии Арабии Сурия ба ватан Зубайдулло Зубайдзода дар «Конфронси байналмилалии сатҳи баланд оид ба баргардонидани ашхос аз урдугоҳи Ал-Ҳоли Ҷумҳурии Арабии Сурия ва боздоштгоҳу урдугоҳҳои атрофи он», ки бо ибтикори Ҳукумати Ҷумҳурии Ироқ ва дар ҳамкорӣ бо Дафтари зиддитеррористии Созмони Милали Муттаҳид дар ҳошияи иҷлосияи 80-уми Маҷмаи Умумии Созмони Милали Муттаҳид дар шаҳри Ню-Йорк баргузор гардид, иштирок намуд.
Тавре ба АМИТ «Ховар» аз Сафорати Ҷумҳурии Тоҷикистон дар Давлати Кувайт хабар доданд, Зубайдулло Зубайдзода таҷрибаи муваффақи Ҷумҳурии Тоҷикистонро оид ба баргардонидани занону кӯдакон аз урдугоҳҳои Сурия муаррифӣ кард.
Таъкид гардид, ки маҳз бо ташаббусу роҳнамоӣ ва ғамхории Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар се соли охир (2022, 2023 ва 2024) се амалиёти муваффақона анҷом дода шуд. Дар натиҷаи он зиёда аз сесад нафар занону кӯдакони тоҷик аз урдугоҳҳои Ал-Ҳол ва Роҷи минтақаи шимолу шарқии Ҷумҳурии Арабии Сурия ба ватан баргашта, бо шукргузорӣ аз сулҳу суботи пойдори мамлакат дубора ба ҳаёти ободу осоишта пайвастанд.
Имрӯзҳо кишварҳои Осиёи Марказӣ ва дигар давлатҳои дуру наздик аз таҷрибаи нодир ва муваффақонаи Тоҷикистон истифода бурда, дар роҳи расидан ба ҳадафҳо комёб мегарданд.
АКС: Сафорати Ҷумҳурии Тоҷикистон дар Давлати Кувайт
РАВАНДИ ОБИ ДУШАНБЕ. Сомонаи расмии Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор, 2018–2028» фаъол гардид
Барои иштирок дар Конфронси байналмилалии сатҳи баланд оид ба Даҳсолаи байналмилалии амал «Об барои рушди устувор» бақайдгирӣ оғоз ёфт
Дар Қоҳира ҳамкорӣ байни ширкатҳои Тоҷикистону Миср баррасӣ гардид
Дар Душанбе Ҷаласаи навбатии Шурои сарони ҳукуматҳо (сарвазирон)-и давлатҳои узви СҲШ доир мегардад
Сафири Тоҷикистон бо муовини якуми Раиси Бонки марказии Арабистони Саудӣ мулоқот намуд
Дар Душанбе бо иштироки намояндагони 27 давлат маъракаи ниҳолшинонӣ баргузор шуд
Сафири Тоҷикистон дар Ҷумҳурии Корея бо мудири иҷроияи AFoCO мулоқот намуд
Дар Боку тавсеаи ҳамкории Тоҷикистон ва Озарбойҷон дар соҳаи воситаҳои ахбори омма баррасӣ гардид
Дар Сафорати Ҷумҳурии Тоҷикистон дар Русия Рӯзи Модар таҷлил гардид
Сафири Тоҷикистон дар Амрико бо Директори иҷроияи ширкати Mooney Group мулоқот кард
Дар Қоҳира масъалаи таҳкими ҳамкории Тоҷикистону Миср баррасӣ шуд
Имконияти ҳамкорӣ байни Тоҷикистон ва ширкати NVIDIA дар соҳаи зеҳни сунъӣ баррасӣ гардид
