Дар Рӯзи дониш бо иштироки муовини Сарвазири Тоҷикистон ҳамоиши тантанавӣ баргузор гардид
ДУШАНБЕ, 01.09.2025 /АМИТ «Ховар»/. Имрӯз бахшида ба Рӯзи дониш ва оғози соли нави таҳсили 2025-2026 дар Донишгоҳи байналмилалии сайёҳӣ ва соҳибкории Тоҷикистон ҳамоиши тантанавӣ баргузор гардид. Дар он муовини Сарвазири Ҷумҳурии Тоҷикистон Дилрабо Мансурӣ иштирок намуда, аз номи Ҳукумати Ҷумҳурии Тоҷикистон донишҷӯёну устодон ва кулли кормандони донишгоҳро бо оғози соли нави таҳсил табрик гуфта, ба онҳо дар самти таҳсил, таҳқиқот ва фаъолияти илмиву амалии минбаъда комёбиҳои нав таманно намуд. Дар ин хусус АМИТ «Ховар» бо истинод ба Донишгоҳи байналмилалии сайёҳӣ ва соҳибкории Тоҷикистон иттилоъ медиҳад.
Дар ҳамоиши тантанавӣ таъкид шуд, ки Президенти Ҷумҳурии Тоҷикистон муҳтарам Эмомалӣ Раҳмон барои рушди соҳаи маориф ва фароҳам овардани шароити мусоиди таҳсил дар ҷумҳурӣ тадбирҳои фарогир андешида, ба рушди илмҳои замонавӣ, омодасозии мутахассисони баландихтисос ва тавсеаи ҳамкории байналмилалӣ таваҷҷуҳи махсус зоҳир менамоянд.
Дар ҳамоиш ректори Донишгоҳи байналмилалии сайёҳӣ ва соҳибкории Тоҷикистон Убайдулло Асрорзода аз таваҷҷуҳу дастгирии ҳамешагии Ҳукумати Ҷумҳурии Тоҷикистон ва шахсан Пешвои миллат муҳтарам Эмомалӣ Раҳмон изҳори сипос намуд. Гуфта шуд, ки ифтитоҳи соли нави таҳсил бо иштироки намояндаи воломақоми Ҳукумати мамлакат бозгӯи равшани таваҷҷуҳи давлат ба рушди соҳаи маориф, сайёҳӣ ва соҳибкорӣ мебошад.
Роҳбарият ва ҳайати устодону профессорони Донишгоҳи байналмилалии сайёҳӣ ва соҳибкории Тоҷикистон минбаъд низ барои баланд бардоштани сифати таълим, тақвияти иқтидори илмӣ ва омодасозии мутахассисони ҷавобгӯ ба талаботи замон талошҳои пайгирона менамоянд.
АКС: Донишгоҳи байналмилалии сайёҳӣ ва соҳибкории Тоҷикистон
Дар Донишгоҳи давлатии Кӯлоб ғолибони озмунҳои ҷумҳуриявӣ қадршиносӣ шуданд
Иқтидорҳои сайёҳии Тоҷикистон дар Намоишгоҳи байналмилалии сайёҳии «World Travel Market — 2026» дар шаҳри Лондон муаррифӣ мешаванд
Дар нуҳ моҳи соли 2026 беш аз 15 ҳазор аъзои иттифоқи касаба ба солимгардонӣ фаро гирифта шуданд
Байни Донишгоҳи байналмилалии забонҳои хориҷии Тоҷикистон ва Донишгоҳи давлатии шарқшиносии Тошканд шартномаи ҳамкорӣ ба имзо расид
Дар Донишгоҳи давлатии Кӯлоб оид ба ташаккули фарҳанги муошират конференсияи ҷумҳуриявӣ баргузор шуд
Ғолибони Озмуни ҷумҳуриявии «Илм-фурӯғи маърифат» дар соли 2026 муайян гардиданд
«БАРНОМАИ РУШДИ МИНТАҚАИ САЙЁҲИИ РОҒУН». Дар доираи амали он роҳҳо мумфарш, хатсайрҳои сайёҳӣ зиёд ва инфрасохтори хизматрасонӣ беҳтар карда шуд
Дар Тошканд Форуми байналмилалии «Осиёи Марказӣ фазои нави маориф, илм ва инноватсия» баргузор гардид
Пагоҳ маросими ҷоизасупории даври ниҳоии Озмуни ҷумҳуриявии «Илм — фурӯғи маърифат» баргузор мегардад
Имкониятҳои сайёҳии Тоҷикистон ба гардишгарони ҳавзаи Шурои ҳамкории кишварҳои арабии Халиҷ муаррифӣ гардиданд
«EDONISH: МАКТАБ, ВОЛИДАЙН ВА ТАҲСИЛОТ ДАР МУҲИТИ РАҚАМӢ». Дар Душанбе нишасти матбуотӣ доир гардид
Ёддошти тафоҳум оид ба рушди фаъолияти илмӣ ва таълимӣ дар самти дипломатияи об ба имзо расид
