Дар Сеул байни китобхонаҳои миллии Тоҷикистон ва Корея Ёддошти тафоҳум ба имзо расид
ДУШАНБЕ, 25.09.2025. /АМИТ «Ховар»/. Дар пойтахти Ҷумҳурии Корея- шаҳри Сеул маросими имзои Ёддошти тафоҳум оид ба ҳамкорӣ байни Китобхонаи миллии Тоҷикистон ва Китобхонаи миллии Корея баргузор гардид. Дар ин хусус ба АМИТ «Ховар» аз Китобхонаи миллии Тоҷикистон хабар доданд.
Ҳадафи ин санад аз таҳкими ҳамкорӣ дар самти табодули таҷриба, рушди лоиҳаҳои муштарак, дастрасии мутақобил ба захираҳои китобхонагӣ ва густариши робитаҳои фарҳангию илмӣ байни ду давлат иборат мебошад.
Тибқи Ёддошти тафоҳум, ҷонибҳо дар татбиқи барномаҳои омӯзишӣ, ташкили намоишгоҳҳо, чорабиниҳои илмӣ-амалӣ ва рақамисозии маводи китобхонагӣ ҳамкорӣ менамоянд.
Имзои Ёддошти тафоҳум қадами муҳим дар роҳи тақвияти робитаҳои фарҳангию илмӣ байни Тоҷикистон ва Корея арзёбӣ шуда, барои таҳкими дӯстӣ ва ҳамкории дуҷониба заминаи мусоид фароҳам меорад.
Ёдовар мешавем, ки дар Китобхонаи миллии Тоҷикистон бо мақсади таҳкими дӯстӣ ва густариши ҳамкории фарҳангӣ байни Тоҷикистон ва Корея «Гӯшаи фарҳангии Корея» таъсис дода шудааст. Ин гӯша аввалин маротиба соли 2013, дар доираи Ёддошти тафоҳум байни Китобхонаи миллии Тоҷикистон ва Фонди Институти Подшоҳии Сеҷонг дар шаҳри Душанбе таъсис ёфта буд. Созишномаи ҳамкорӣ ба муддати панҷ сол амал мекард.
Баъдан, соли 2019, дар ҷараёни сафари Сарвазири Ҷумҳурии Корея ба Тоҷикистон Ёддошти нави тафоҳум байни Китобхонаи миллии Тоҷикистон ва Сафорати Корея ба имзо расид. Дар асоси ин созишнома гӯшаи Корея навсозӣ гардида, то имрӯз фаъолият дорад.
Дар «Гӯшаи фарҳангии Корея» на танҳо хонандагони тоҷик, балки меҳмонони хориҷӣ низ бо фарҳанги мардуми Корея шинос мегарданд.
АКС: Китобхонаи миллии Ҷумҳурии Тоҷикистон
РӮЗИ БАЙНАЛМИЛАЛИИ ҲАДЯИ КИТОБ. Фаъолияти хуби китобхонаҳо воситаи муҳими китобхон шудани ҷомеа мегардад
ИҚДОМИ «ТОҶИКОНА МЕПӮШЕМ!». Ба либоси миллӣ – мероси аҷдодонамон арҷ мегузорем
Дар Хуҷанд масъалаи эҳё ва рушди ҳунарҳои бадеии халқӣ баррасӣ гардид
«ДИРӮЗ, ИМРӮЗ ВА ФАРДОИ ФАРҲАНГИ ТОҶИК». Таҳти чунин унвон дар Душанбе конференсияи ҷумҳуриявӣ доир гардид
Дар Тоҷикистон Озмуни ҷумҳуриявии «Роҳнамои беҳтарин» баргузор мешавад
Дар Давҳа намоиши ҳунарҳои мардумӣ ва барномаи консертии Рӯзҳои фарҳанги Ҷумҳурии Тоҷикистон доир гардид
Дар Давлати Қатар Рӯзҳои фарҳанги Ҷумҳурии Тоҷикистон идома доранд
Таҳти унвони «Робиаи Балхӣ — нахустбонуи соҳибдевони адабиёти тоҷику форс» конференсияи байналмилалӣ баргузор мешавад
Фаъолияти инноватсионӣ-методии китобхонаҳоро қонунгузории Ҷумҳурии Тоҷикистон чӣ гуна муқаррар намудааст?
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
