Дар Шаҳринав мактабу толори варзишӣ ва марказҳои хизматрасонӣ ба истифода дода шуданд
ШАҲРИНАВ, 10.09.2025 /АМИТ «Ховар»/. Ба ифтихори ҷашни 34-солагии Истиқлоли давлатии Ҷумҳурии Тоҷикистон дар деҳаи Зарнисори Ҷамоати деҳоти Чусти ноҳияи Шаҳринав бинои нави муассисаи таълимӣ барои 200 хонанда дар ду баст дар назди Муассисаи таҳсилоти миёнаи умумии №27 мавриди истифода қарор дода шуд. Дар ин хусус ба хабарнигори АМИТ «Ховар» Субҳониддини Маҳмуд аз Мақомоти иҷроияи ҳокимияти давлатии ноҳияи Шаҳринав иттилоъ доданд.
Тибқи иттилои омӯзгорон, «бо зиёд шудани шумораи хонандагон ва зиёд гардидани аҳолии маҳал ҷойи нишаст дар синфхонаҳои мактаб нокифоя буд. Хушбахтона, имрӯз мактаби мо соҳиби бинои замонавии таълимӣ шуда, мушкилоти нарасидани ҷойи нишаст пурра бартараф гардид».
Бинои нави таълимӣ аз 6 синфхона ва ҳуҷраи кори омӯзгорон иборат буда, бо дастгирии Мақомоти иҷроияи ҳокимияти давлатии ноҳияи Шаҳринав ва аҳли деҳаю соҳибкорон бунёд гардид.
Ҳамчунин бахшида ба 34-солагии Истиқлоли давлатӣ 7 синфхонаи Муассисаи таҳсилоти миёнаи умумии №11 баъди аз таъмири пурра баровардан мавриди истифода қарор дода шуд. 3,7 км роҳи дохилии кӯчаҳои деҳаи Чузии Ҷамоати деҳоти Чуст ва 1,2 км роҳи дохилии кӯчаҳои деҳаи Ҳакимӣ ва 1,2 км роҳи дохилии кӯчаҳои деҳаи Иттифоқи Ҷамоати деҳоти Истиқлол бо саҳми сокинону соҳибкорон мумфарш гардид. Ҳамзамон дар маркази ноҳия бинои маркази хизматрасонӣ, ки аз 3 ошёна иборат мебошад, ба истифода дода шуд. Дар таҳхонаи бино толори варзишии зебою замонавӣ барои тамрини гӯштини миллӣ таъсис дода шудааст, ки дар як вақт метавонад зиёда аз 50 наврасро қабул кунад.
Зимни ифтитоҳи иншоот барои чунин иқдоми нек фаъолон ва соҳибкорон бо Ифтихорнома ва Сипосномаи Мақомоти иҷроияи ҳокимияти давлатии ноҳияи Шаҳринав қадршиносӣ гардиданд.
АКС: Мақомоти иҷроияи ҳокимияти давлатии ноҳияи Шаҳринав
Сарвари давлат Эмомалӣ Раҳмон Меҳмонхонаи Редиссон Коллекшн Душанберо (Radisson Collection Dushanbe) ифтитоҳ намуданд
Пешвои миллат Эмомалӣ Раҳмон дар шаҳри Душанбе корхонаи дару тирезаҳои алюминӣ ва пластикии ҶДММ «Тамдид»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон бо 6 лоиҳаи нави истеҳсолӣ, логистикӣ ва иҷтимоӣ дар шаҳри Душанбе шинос шуданд
Сарвари давлат Эмомалӣ Раҳмон дар шаҳри Душанбе корхонаи «Разес Фарма»-ро ифтитоҳ намуданд
Пешвои миллат Эмомалӣ Раҳмон бинои нави Маркази аутизми шаҳри Душанберо мавриди истифода қарор доданд
Маҷлиси Ҳукумати Ҷумҳурии Тоҷикистон баргузор гардид
Дар шаҳри Ваҳдат бунгоҳҳои тиббӣ ба истифода дода шуданд
«БАРНОМАИ РУШДИ МИНТАҚАИ САЙЁҲИИ РОҒУН». Дар доираи амали он роҳҳо мумфарш, хатсайрҳои сайёҳӣ зиёд ва инфрасохтори хизматрасонӣ беҳтар карда шуд
Дар Панҷакент беш аз 400 километр роҳҳои маҳаллӣ таъмир ва мумфарш карда шуданд
Сарвари давлат Эмомалӣ Раҳмон дар шаҳри Душанбе ба фаъолияти истеҳсолии ҶДММ «Шаҳдоб» оғоз бахшиданд
Президенти Ҷумҳурии Тоҷикистон Эмомалӣ Раҳмон дар шаҳри Душанбе корхонаи масолеҳи сохтмонии ҶДММ «Эко Блок»-ро мавриди баҳрабардорӣ қарор доданд
Пешвои миллат Эмомалӣ Раҳмон барои бунёди эстакадаҳои дусатҳа ва азнавсозии пули мошингузар дар хиёбони Саъдии Шерозии шаҳри Душанбе санги асос гузоштанд
