Дар Теҳрон Истиқлолияти давлатии Тоҷикистон таҷлил гардид
ДУШАНБЕ, 10.09.2025 /АМИТ «Ховар»/. 9 сентябр дар Сафорати Ҷумҳурии Тоҷикистон дар Теҳрон чорабинии идона бахшида ба 34-солагии Истиқлолияти давлатии Тоҷикистон доир гардид. Дар ин хусус ба АМИТ «Ховар» аз Сафорати Ҷумҳурии Тоҷикистон дар Эрон хабар доданд.
Дар ҳамоиш донишҷӯён, соҳибкорон ва ҳамватанони бурунмарзӣ, ки дар Эрон зиндагӣ ва фаъолият доранд, иштирок намуданд.
Сафири Фавқулода ва Мухтори Ҷумҳурии Тоҷикистон дар Эрон Низомиддин Зоҳидӣ оид ба дастовардҳои Тоҷикистони соҳибистиқлол давоми 34 сол ибрози назар карда, нақши бузурги Президенти Ҷумҳурии Тоҷикистон, Пешвои миллат муҳтарам Эмомалӣ Раҳмонро дар таҳкими пояҳои истиқлолият, ташаккули давлатдории миллӣ, густариши худшиносии таърихии тоҷикон ва афзоиши обрӯю нуфузи Тоҷикистон дар арсаи байналмилалӣ чун давлати фаъол дар ҳалли масъалаҳои глобалии ҷаҳони имрӯза таъкид намуд.
Сипас, шоирон Фарзонаи Хуҷандӣ, Озарахш ва Шоҳмансури Шоҳмирзо дар васфи Тоҷикистон, истиқлолият ва Пешвои миллат шеърҳои худро қироат карданд, ки мавриди истиқболи аҳли нишаст қарор гирифтанд.
Дар чорабинӣ наворҳои видеоӣ доир ба рушду тавсеаи Тоҷикистон дар солҳои истиқлолият ва сурудҳои хонандагони маъруфи тоҷик дар тараннуми Ватан, миллат ва Истиқлол пахш гардиданд. Ҳамчунин ба таваҷҷуҳи иштирокдорони чорабинии идона намоиши китобҳои Пешвои миллат, осори ҳунарҳои дастӣ ва либосҳои миллӣ пешкаш гардид.
Дар фарҷоми ҳамоиш ба донишманди эронӣ Ҳония Муғонӣ, ки дар Озмуни байналмилалии мақолаи беҳтарин дар мавзуи «Ҳифзи пиряхҳо» ба муносибати Соли байналмилалии ҳифзи пиряхҳо эълон гардидани соли 2025 ҷойи 2-юмро ишғол намуда буд, аз номи Вазорати фарҳанги Ҷумҳурии Тоҷикистон ҷоизаи ин озмун супорида шуд.
Инчунин ба муносибати 34-солагии Истиқлолияти давлатии Ҷумҳурии Тоҷикистон шоми 9 сентябри соли 2025 аз соати 19.00 то 21.00 дар Маҷмааи “Бурҷи Озодӣ”-и шаҳри Теҳрон Парчами давлатии Ҷумҳурии Тоҷикистон бо пахши пайвастаи Суруди миллии Ҷумҳурии Тоҷикистон нурафшонӣ намуд.
Кормандони сафорат, намояндагони вазорати умури хориҷаи Эрон ва сокинону меҳмонони шаҳри Теҳрон ин рӯйдоди сиёсиву фарҳангиро, ки бозтоби равобити ҳасанаи ду мамлакати дӯст аст, мушоҳида намуданд.
АКС: Сафорати Тоҷикистон дар Эрон
Ҳамкории Тоҷикистон ва Қатар дар соҳаҳои илму маориф баррасӣ шуд
Сарвари давлат Эмомалӣ Раҳмон дар деҳаи Пушинги ноҳияи Данғара мавзеи нави саноатиро бо 3 коргоҳи истеҳсолӣ ифтитоҳ намуданд
Пешвои миллат Эмомалӣ Раҳмон дар деҳаи Пушинги ноҳияи Данғара 3 бинои дуошёнаи истиқоматӣ барои омӯзгоронро ба истифода доданд
Президенти Ҷумҳурии Тоҷикистон Эмомалӣ Раҳмон дар деҳаи Пушинги ноҳияи Данғара кӯдакистони №11 ва 8,5 километр роҳҳои дохилиро тариқи фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Данғара Муассисаи таҳсилоти миёнаи умумии рақами 88-ро мавриди истифода қарор доданд
Пешвои миллат Эмомалӣ Раҳмон дар ноҳияи Данғара бинои нави Қасри фарҳанги деҳаи Пушингро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Данғара бинои нави Ҷамоати деҳоти Пушингро ифтитоҳ намуданд
Сарвари давлат Эмомалӣ Раҳмон дар деҳоти Пушинги ноҳияи Данғара бинои Муассисаи томактабии «Гулистон»-ро ба истифода доданд
Пешвои миллат Эмомалӣ Раҳмон дар ноҳияи Данғара чор гармхонаи хоҷагии деҳқонии Восеъро мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар ноҳияи Данғара корхонаи парандапарварии ҶДММ «Парандаи Пушинг»-ро ифтитоҳ намуданд
Сарвари давлат Эмомалӣ Раҳмон дар ноҳияи Данғара Муассисаи таҳсилоти миёнаи умумии №89-ро мавриди истифода қарор доданд
Шараф Шерализода зарурати таҳкими ҳамкориро дар доираи Созмони умумиҷаҳонии савдо таъкид намуд
