Муассисаи Кумаки аввалияи тиббию санитарии шаҳри Кӯлоб ба давраи тирамоҳу зимистон омода мебошад
КӮЛОБ, 28.09.2025. /АМИТ «Ховар»/. Дар шабакаи Кумаки аввалияи тиббию санитарии шаҳри Кӯлоб 11 маркази саломатӣ ва 43 бунгоҳи тиббӣ фаъолият намуда, ба беш аз 120 ҳазор аҳолӣ хизмати тиббӣ мерасонанд. Дар ин муассисаҳо бо дастгирии Мақомоти иҷроияи ҳокимияти давлатии шаҳри Кӯлоб барои бе мушкилӣ паси сар намудани тирамоҳу зимистони солҳои 2025-2026 тадбирҳои зарурӣ андешида шудаанд. Дар ин хусус мухбири минтақавии АМИТ «Ховар» иттилоъ медиҳад.
Дар Маркази саломатии деҳоти Чорбоғи Ҷамоати деҳоти Кӯлоб хизматрасонии тиббӣ ба аҳолӣ сол ба сол беҳтар мешавад. Дар баробари Маркази саломатӣ ду бунгоҳи тиббии дигар низ сокинонро ба ташхису муоина фаро гирифтаанд. Маркази саломатӣ ва бунгоҳҳои тиббӣ ба зимистонгузаронӣ омода мебошанд. Дар анбори муассиса ангишту ҳезум ва дигар маводи сӯхт захира карда шудааст. Инчунин як генератори барқӣ ва таҷҳизоти муосири барқии гармидиҳанда дар ҳолати хуб қарор доранд.
Тавре сардухтури Маркази саломатӣ Махфират Сафарова иттилоъ дод, ҳоло марказҳои саломатӣ ва бунгоҳҳои тиббӣ дар шаҳри Кӯлоб ба давраи зимистонгузаронӣ ҳамаҷониба омода буда, сӯзишвории дизелӣ ва дигар маводи сӯзишворӣ дар онҳо захира карда шудааст.
Иттилоъ дода шуд, ки бунгоҳи саломатии «Зарбдор» дар маркази Ҷамоати деҳоти «Зарбдор» ҷойгир буда, дар он 6 мутахассиси соҳаи тиб ба 2745 нафар сокинон хизмати тиббӣ мерасонанд. Бунгоҳ ба зимистогузаронӣ омода гардида, дару тирезаҳо шишабандӣ ва миқдори зарурии сӯзишворӣ захира карда шудааст.
Маркази саломатии «Панҷосиёб» низ яке аз муассисаҳои калонтарини Кумаки аввалияи тиббию санитарии шаҳри Кӯлоб буда, ба 10 ҳазор аҳолӣ хизмати тиббӣ мерасонад. Дар ин маркази саломатӣ ва панҷ бунгоҳи тиббӣ 47 нафар мутахассисон фаъолият доранд. Бо мақсади бемушкилӣ паси сар намудани давраи тирамоҳу зимистони солҳои 2025-2026 марказ ва бунгоҳҳои тиббӣ бо ангишту ҳезум ва дигар маводи сӯхт таъмин гардидаанд.
Дар муассисаҳои кумаки аввалияи тиббию санитарӣ 29 генератори барқӣ мавҷуданд, ки дар ҳолатҳои зарурӣ барои бо барқ таъмин намудани таҷҳизоти тиббӣ истифода бурда мешаванд.
АКС: АМИТ «Ховар»
Дар шаҳри Гулистон корхонаи таъмири трансформаторҳо ба истифода дода шуд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар ноҳияҳои алоҳидаи Тоҷикистон туман мефарояд
Имрӯз дар Тоҷикистон ҳавои тағйирёбанда пешгӯӣ мешавад
Дар ноҳияи Носири Хусрав тақдими «Шоҳнома»-и безаволи Ҳаким Фирдавсӣ оғоз шуд
«САРҲАДБОНОН-ЧАШМИ БЕДОРИ ВАТАН». Дар қисми ҳарбии Қӯшунҳои сарҳадӣ ҳамоиши тантанавӣ баргузор гардид
Дар партави Паёми Президенти Тоҷикистон ба Маҷлиси Олӣ оид ба масоили соҳибкорӣ ва сармоягузорӣ ҳамоиш доир шуд
ZET-MOBILE натиҷаҳои давраи чоруми иқдоми «Миллионро гир»-ро барои моҳи ноябр ҷамъбаст кард
Имрӯз дар водиҳои Тоҷикистон борон меборад
Туҳфаҳои Президенти Тоҷикистон ба тарбиятгирандагони Мактаб-интернати назди Муассисаи таълимии ноҳияи Спитамен расонида шуданд
Ба тарбиятгирандагони Хонаи кӯдакон ва Мактаб-интернати шаҳри Исфара туҳфаҳои Президенти Тоҷикистон тақдим гардиданд
