Намоиши «Олами гулдӯзии тоҷикон» дар Осорхонаи миллии қолинҳои Озарбойҷон доир мегардад
ДУШАНБЕ, 11.09.2025 /АМИТ «Ховар»/. 25 сентябр нахустнамоиши Осорхонаи миллии Тоҷикистон таҳти унвони «Олами гулдӯзии тоҷикон» дар Осорхонаи миллии қолинҳои Озарбойҷон ифтитоҳ мегардад, иттилоъ медиҳад АМИТ «Ховар» бо истинод ба Осорхонаи миллии Тоҷикистон.
Дар ин намоишгоҳ ҳунари волои гулдӯзии тоҷикон ҳамчун ҷузъи муҳимми мероси фарҳанги миллӣ муаррифӣ гардида, нақши онро дар арсаи ҷаҳонӣ бозтоб медиҳад. Ин иқдом қадами муҳим дар таҳкими робитаҳои фарҳангӣ ва дӯстона байни Тоҷикистон ва Озарбойҷон арзёбӣ мегардад.
Осорхонаи миллии Тоҷикистон 56 намунаи нодири гулдӯзиҳои анъанавиро, ки ганҷинаи ғании мероси ҳунарии тоҷиконро дар бар мегиранд, ба намоиш пешниҳод менамояд.
Бояд гуфт, ки масъалаи ташкили нахустнамоиши Осорхонаи миллии Тоҷикистон таҳти унвони «Олами гулдӯзии тоҷикон» дар Осорхонаи миллии қолинҳои Озарбойҷон чанде пеш зимни мулоқоти маҷозии Директори Осорхонаи миллии Тоҷикистон Зафаршо Иброҳимзода бо намояндагони Осорхонаи миллии қолинҳои Ҷумҳурии Озарбойҷон баррасӣ гардид. Дар ҷараёни вохӯрӣ масъалаҳои марбут ба ороиши илмӣ-бадеии намоишгоҳ, таъмини шароити техникӣ ва масъалаҳои ҳамлу нақли онҳо баррасӣ гардиданд.
Намоиши муштараки «Олами гулдӯзии тоҷикон» ба рӯйдоди муҳими фарҳангӣ ва рамзи дӯстию ҳамкории судманд байни ду давлат табдил хоҳад ёфт. Намоиши «Олами гулдӯзии тоҷикон» дар Осорхонаи миллии қолинҳои Озарбойҷон як моҳ идома меёбад.
Марзия САИДЗОДА,
АМИТ «Ховар»
АКС: Осорхонаи миллии Тоҷикистон
Моҳи октябр дар Душанбе Бозиҳои XX Делфии ҷавонони кишварҳои аъзои ИДМ доир мегардад
Дар Душанбе Рӯзҳои кинои Эрон баргузор мегарданд
Дар Рим Намоишгоҳи байналмилалии «Тоҷикистон – кишвари ёдгориҳои нодир» ташкил карда мешавад
Ба ифтихори дохил гардидани Резервати биосферии Ромит ба Шабакаи ҷаҳонии мамнуъгоҳҳои биосферии ЮНЕСКО конфронс доир шуд
Дар Осорхонаи миллии Тоҷикистон маҳфили «Шоҳномахонӣ» баргузор гардид
«ТОҶИ СОМОН». Марҳилаи интихоби беҳтарин филмҳо барои синамоҷоизаи миллӣ оғоз гардид
Котиби генералии Ассамблеяи парламентии Осиё дар Осорхонаи миллӣ бо таъриху тамаддуни тоҷикон шинос шуд
Китоби академик Фарҳод Раҳимӣ «Тамаддуни ориёӣ ва рисолати таърихии миллати тоҷик» нашр шуд
Дар даврони соҳибистиқлолӣ дар вилояти Суғд 152 иншооти фарҳанг бунёд ва таъмиру таҷдид гардидааст
Иштирокдорони Конфронси байналмилалии «Рӯдакӣ – эҳёгари андеша ва фарҳанги миллӣ» Осорхонаи миллии Тоҷикистонро тамошо намуданд
«РӮДАКӢ — ЭҲЁГАРИ АНДЕША ВА ФАРҲАНГИ МИЛЛӢ». Таҳти ин унвон конференсияи байналмилалии илмӣ-назариявӣ доир шуд
«Нақши Пешвои миллат дар эҳё ва муаррифии тамаддуни ориёӣ». Таҳти чунин унвон маҳфили «Тоҷикшиносӣ» доир шуд
