Парки саноатии муштараки Тоҷикистону Русия таъсис дода мешавад
ДУШАНБЕ, 26.09.2025. /АМИТ «Ховар»/. 24 сентябр дар шаҳри Москва вохӯрии Вазири рушди иқтисод ва савдои Ҷумҳурии Тоҷикистон Завқӣ Завқизода ва Вазири саноат ва технологияҳои нави Ҷумҳурии Тоҷикистон Шералӣ Кабир бо Вазири саноат ва савдои Федератсияи Русия Антон Алиханов баргузор гардид. Зимни суҳбат ҷонибҳо масъалаи таъсиси Парки саноатии муштарак дар шаҳри Душанберо мавриди баррасӣ қарор доданд. Дар ин хусус ба АМИТ «Ховар» аз Вазорати рушди иқтисод ва савдо хабар доданд.
Завқӣ Завқизода иброз намуд, ки бо шарофати сиёсати дурбинонаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва Президенти Федератсияи Русия муҳтарам Владимир Путин муносибатҳои дуҷониба бо суръат рушд ёфта, ба сатҳи нави стратегӣ баромаданд.
Дар ҷараёни вохӯрӣ масъалаҳои таъсиси Парки саноатии муштарак дар шаҳри Душанбе, ҷалби ширкатҳои истеҳсолии Русия ва таъсиси кластери саноати сабук тавассути ширкати «БТК» мавриди баррасӣ қарор гирифтанд.
То имрӯз зиёда аз 10 ширкати бонуфузи Федератсияи Русия аз бахшҳои саноати сабук, сохтмон, коркарди чӯб, истеҳсоли таҷҳизоти тиббӣ ва дигар самтҳо барои иштирок дар фаъолияти Парки саноатии муштарак дар шаҳри Душанбе изҳори ҳавасмандӣ намуда, барои ворид намудани сармоя, таҷриба ва технологияи муосир изҳори омодагӣ намудаанд. Иштироки чунин ширкатҳо метавонад барои ташаккули иқтидори истеҳсолӣ, таъсиси ҷойи нави кор ва боло бурдани рақобатпазирии маҳсулоти ватанӣ дар бозорҳои дохилӣ ва хориҷӣ заминаи мусоид фароҳам оварад.
Ҷонибҳо ҳамчунин масъалаҳои марбут ба афзоиши ҳаҷми гардиши савдо, такмили низоми ҳамкории тиҷоратию иқтисодӣ, ҷалби сармоя ба бахшҳои афзалиятнок ва тавсеаи ҳамкории саноатиро мавриди муҳокима қарор доданд.
Таъкид гардид, ки дар 8 моҳи соли 2025 гардиши савдои дуҷониба 14% афзоиш ёфтааст. Бо хушнудӣ иброз карда шуд, ки ҷонибҳо «Харитаи роҳ» оид ба зиёд намудани гардиши савдои хориҷиро таҳия ва мувофиқа намудаанд, ки ба боз ҳам зиёд намудани савдои дуҷониба ва сармоягузорӣ мусоидат менамояд.
АКС: Вазорати рушди иқтисод ва савдои Ҷумҳурии Тоҷикистон
Ҳайати Тоҷикистон дар ҷаласаи Шурои маъмурии Ташкилоти патентии Авруосиё иштирок намуд
Дар Конгресси ҷаҳонии обуҳавошиносӣ татбиқи ташаббуси ҷаҳонии «Огоҳкуниҳои бармаҳал барои ҳама» баррасӣ гардид
Дар шаҳри Хоруғ 13 корхонаи нави саноатӣ ба фаъолият оғоз намуд
Дар нуҳ моҳ беш аз 1,5 миллион сайёҳ мавзеъҳои ҷолиби Тоҷикистонро тамошо намуданд
Дар Тоҷикистон беш аз 45 ҳазор хоҷагии деҳқониро занон роҳбарӣ менамоянд
Кишоварзони вилояти Хатлон нақшаи ҷамъоварии пахтаро 90 фоиз иҷро намуданд
Намояндаи Тоҷикистон дар ҷаласаи Ассотсиатсияи байналмилалии рушд дар Амрико иштирок намуд
Дар ҷаласаи машваратии мудирони Хазинаи байналмилалии асъор шарҳи вазъи монетарии минтақа пешниҳод гардид
Алӣ Ғиёсуддин Муҳаммад: «Тоҷикистон имкон дорад бо истифода аз захираҳои табиӣ ба яке аз давлатҳои пешрафтаи ҷаҳон табдил гардад»
Бонки миллии Тоҷикистон ҳамкориро бо Бонки миллии Швейтсария тақвият медиҳад
АСАЛ ДАВОИ ДАРД. Имрӯз дар Душанбе «Фестивали занбӯрпарварон, намоиш ва фурӯши асал» баргузор гардид
Дар Тоҷикистон 250 навъи харбуза парвариш карда мешавад
