Прокурори генералии Тоҷикистон дар ҷаласаи 6-уми прокуророни генералии давлатҳои аъзои СҲИ иштирок намуд
ДУШАНБЕ, 26.09.2025 /АМИТ «Ховар»/. 25 сентябр дар шаҳри Тошканд ҷаласаи 6-уми прокурорҳои генералии давлатҳои аъзои Созмони ҳамкории иқтисодӣ баргузор гардид, ки дар он ҳайати Прокуратураи генералии Ҷумҳурии Тоҷикистон таҳти роҳбарии Прокурори генералии Ҷумҳурии Тоҷикистон Ҳабибулло Воҳидзода иштирок намуд. Дар ин хусус ба АМИТ «Ховар» аз Прокуратураи генералии Ҷумҳурии Тоҷикистон иттилоъ доданд.
Дар ҷаласа прокурорҳои генералии Арабистони Саудӣ, Қазоқистон, Қирғизистон, Озарбойҷон, Покистон, Туркия, Туркманистон, Узбекистон, Эрон ва Котиби генералии Созмони ҳамкории иқтисодӣ иштирок намуданд.
Иштирокдорони ҷаласа масъалаҳои мубрами рӯз, аз ҷумла мубориза бар зидди коррупсия, тавсеаи фаъолият дар самти ҳифзи муҳити зист, инчунин хатару таҳдиди ҷиноятҳои фаромиллии муташаккилро мавриди муҳокима қарор доданд. Таъкид гардид, ки муборизаи беамон ба муқобили хатару таҳдидҳои мураккаб ва торафт афзоянда тақвият додани ҳамкории ҳуқуқӣ байни мақомоти ҳифзи ҳуқуқи кишварҳои аъзоро талаб менамояд.
Дар ин самт тарафҳо ба мувофиқа расиданд, ки ҷаласаҳои прокурорҳои генералии давлатҳои аъзои Созмони ҳамкории иқтисодӣ мунтазам баргузор карда шуда, шароити мусоид барои дуруст ба роҳ мондани ҳамкории ҳуқуқӣ байни давлатҳои аъзои Созмони ҳамкории иқтисодӣ фароҳам оварда шавад.
Аз рӯйи натиҷаҳои ҷаласа Декларатсияи Тошканд қабул ва нақшаи ҳамкорӣ байни прокуратураҳои генералии давлатҳои аъзои Созмони ҳамкории иқтисодӣ тасдиқ карда шуд.
Баъд аз анҷоми ҷаласа Прокурори генералии Ҷумҳурии Тоҷикистон Ҳабибулло Воҳидзода бо Прокурори генералии Ҷумҳурии Озарбойҷон Комрон Алиев мулоқот намуд. Зимни он ҳамкории дуҷониба байни мақомоти прокуратураи ду давлат ва ҳамкории минбаъда байни ин ниҳодҳо дар мубориза бар зидди ҷинояткорӣ баррасӣ гардид.
АКС: Прокуратураи генералии Ҷумҳурии Тоҷикистон
Барномаи нави ҳамкорӣ байни Прокуратураҳои генералии Тоҷикистон ва Русия ба имзо расид
Ҳабибулло Воҳидзода дар ҷаласаи 36-уми Шурои ҳамоҳангсозии прокурорҳои генералии кишварҳои аъзои ИДМ иштирок намуд
Дар Душанбе ҷаласаи навбатии Шурои вазирони корҳои дохилии давлатҳои аъзои ИДМ доир мегардад
Котиби Шурои амният Юсуф Раҳмон бо Вазири давлатии Вазорати мудофиаи Подшоҳии Муттаҳидаи Британияи Кабир ва Ирландияи Шимолӣ Вернон Коаке мулоқот намуд
Ҷаласаи Комиссияи даъвати ҷумҳуриявӣ оид ба омодагӣ ба даъвати тирамоҳии соли 2026 ба хизмати ҳарбӣ доир шуд
Кумитаи ҳолатҳои фавқулода ва мудофиаи гражданӣ: «Барои пешгирии оқибатҳои сел селроҳаҳо ва роҳҳои обгузарро пешакӣ тоза намоед»
ТОҶИКИСТОНИ СОҲИБИСТИҚЛОЛ — ПАЙВАНДГАРИ ТАМАДДУНИ ОРИЁӢ. Андешаҳо оид ба Анҷумани тоҷикон ва форсизабонони ҷаҳон – «Пайванд»
Низомиёни Тоҷикистон дар Форуми байналмилалии 13-уми Сяншани Пекин иштирок намуданд
Дар Тоҷикистон бо мақсади пешгирии ҳодисаҳои роҳу нақлиёт амалиёти «Автобус» оғоз гардид
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
Тоҷикистон ва Ҳиндустон ҳамкориро дар самти пешгирӣ ва рафъи ҳолатҳои фавқулода тақвият медиҳанд
