Робитаҳои фарҳангӣ ва сайёҳӣ байни Тоҷикистон ва Ироқ тақвият меёбанд
ДУШАНБЕ, 09.09.2025 /АМИТ «Ховар»/. 8 сентябри соли 2025 дар шаҳри Бағдод мулоқоти Сафири Фавқулода ва Мухтори Ҷумҳурии Тоҷикистон дар Ҷумҳурии Ироқ Зубайдулло Зубайдзода бо Вазири фарҳанг, сайёҳӣ ва ёдгориҳои таърихии Ҷумҳурии Ироқ Аҳмад Факкок Ал-Бадронӣ баргузор гардид. Дар ин хусус ба АМИТ «Ховар» аз Сафорати Ҷумҳурии Тоҷикистон дар Давлати Кувайт хабар доданд.
Зимни мулоқот ҷонибҳо перомуни масоили марбут ба густариш ва таҳкими робитаҳои фарҳангӣ байни ду кишвар, аз ҷумла баргузор намудани Рӯзҳои фарҳанг дар кишварҳои якдигар, ташкили сафарҳои ҳунарӣ, баргузории барномаҳои консертии муштарак бо иштироки аҳли фарҳангу ҳунари ҳарду давлат, ҳамчунин ҳамкории судманд дар соҳаи сайёҳӣ мубодилаи афкор анҷом доданд.
Ҳамзамон масъалаҳои марбут ба муаррифии зарфиятҳои сайёҳии Тоҷикистону Ироқ, таҳкими ҳамкории байниидоравӣ, ҳамгироии бахши хусусӣ дар рушди саноати сайёҳӣ ва ҳифзу нигоҳдории ёдгориҳои таърихию фарҳангӣ мавриди баррасӣ қарор гирифтанд.
Ҷонибҳо омодагии худро ҷиҳати идомаи муколамаи созанда ва таҳияи барномаҳои мушаххаси ҳамкорӣ дар бахшҳои фарҳанг, мероси таърихию фарҳангӣ ва сайёҳӣ таъкид намуданд.
АКС: Сафорати Ҷумҳурии Тоҷикистон дар Давлати Кувайт
Ҳамкории Тоҷикистон дар доираи Машварати ҳамкорӣ ва тадбирҳои боварӣ дар Осиё баррасӣ шуд
Дар Вена дурнамои рушди ҳамкории Тоҷикистону Австрия дар соҳаҳои сиёсӣ баррасӣ гардид
Сироҷиддин Муҳриддин бо дабири кулли Созмони амният ва ҳамкорӣ дар Аврупо Фаридун Синирлиоғлу мулоқот намуд
Дар Вена масъалаҳои рушди ҳамкории Тоҷикистону Гурҷистон баррасӣ гардиданд
Ҳамкории Тоҷикистон ва Созмони озуқаворӣ ва кишоварзии Созмони Милали Муттаҳид баррасӣ гардид
Тоҷикистон ва Маҷористон Ёддошти тафоҳум оид ба бурсияҳои солҳои 2026–2028-ро ба имзо расониданд
Вазирони корҳои хориҷии Тоҷикистон ва Финляндия мулоқот намуданд
Сироҷиддин Муҳриддин дар мулоқоти вазирони корҳои хориҷии кишварҳои Осиёи Марказӣ ва Аврупои Шимолӣ иштирок намуд
Масоили рушди робитаҳои дуҷонибаи Тоҷикистон ва Швейтсария баррасӣ гардид
Сироҷиддин Муҳриддин дар нишасти 32-юми Шурои вазирони корҳои хориҷии САҲА иштирок намуд
Дар Берлин рушди ҳамкории сиёсӣ, иқтисодӣ ва фарҳангии Тоҷикистон ва Олмон баррасӣ шуд
Кишварҳои Осиёи Марказӣ дар машварат оид ба ташаббуси СММ-80 изҳороти муштарак пешниҳод намуданд
