Ҳамкории Тоҷикистон бо Созмони озуқаворӣ ва кишоварзии СММ дар самти муҳити зист баррасӣ гардид

ДУШАНБЕ, 11.10.2025 /АМИТ «Ховар»/. Ҳамкории дуҷониба байни Кумитаи ҳифзи муҳити зисти назди Ҳукумати Ҷумҳурии Тоҷикистон ва Созмони озуқаворӣ ва кишоварзии Созмони Милали Муттаҳид (FAO) дар меҳвари мулоқоти Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода ва намояндаи Созмони озуқаворӣ ва кишоварзии Созмони Милали Муттаҳид дар Тоҷикистон Агаси Арутюнян мавриди баррасӣ қарор гирифт.

АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ медиҳад, ки мусоҳибон доир ба масъалаҳои марбут ба ҳифзи муҳити зист ва ҳамкории дуҷониба ва бисёрҷониба ибрози назар намуда, ба мувофиқа расиданд.

Ёдовар мешавем, ки FAO моҳи октябри соли 1945 дар шаҳри Квебеки Канада таъсис дода шудааст ва алҳол қароргоҳаш пойтахти Италия- шаҳри Рим аст. FAO аз соли 1996 инҷониб дар Тоҷикистон фаъолият дошта, дар ин муддат лоиҳаҳоро дар бахшҳои илм, таълим, истеҳсолоти кишоварзӣ, мелиоратсияи замин ва об, паст кардани сатҳи камбизоатӣ, бозомӯзии мутахассисон ва ҳифзи муҳити зист амалӣ намудааст.

АКС: Кумитаи ҳифзи муҳити зисти назди Ҳукумати Ҷумҳурии Тоҷикистон