Ба Маркази омӯзиши пиряхҳои Академияи миллии илмҳои Тоҷикистон таҷҳизоти нави озмоишӣ дастрас карда шуд
ДУШАНБЕ, 07.10.2025 /АМИТ «Ховар»/. Дар асоси дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон ва дар доираи қабули қатъномаи «Даҳсолаи амал барои илмҳои криосфера, 2025-2034» аз ҷониби Маҷмаи Умумии Созмони Милали Муттаҳид ба Муассисаи давлатии илмии «Маркази омӯзиши пиряхҳои Академияи миллии илмҳои Тоҷикистон» таҷҳизот ва лавозимоти озмоишӣ ворид гардид. Дар ин хусус ба АМИТ «Ховар» аз Агентии амнияти химиявӣ, биологӣ, радиатсионӣ ва ядроӣ хабар доданд.
Ин таҷҳизот, ки ба ҳифзи пиряхҳо, таъмини амнияти обӣ ва мубориза бо тағйирёбии иқлим равона шудааст, дар доираи ҳамкории байналмилалӣ амалӣ гардида, ба рушди илмҳои марбут ба муҳити зист ва криосфера мусоидат мекунад.
Таҷҳизоти воридшуда ба пешрафти корҳои илмӣ-таҳқиқотӣ, воситаҳои таҳқиқоти саҳроӣ, омӯзиши криосфера, пиряхҳо, яхбандиҳои Помир ва дигар минтақаҳои кӯҳии Ҷумҳурии Тоҷикистон нигаронида шудааст.
Мутахассисон «Маркази омӯзиши пиряхҳои Академияи миллии илмҳои Тоҷикистон» имкон доранд, ки ба воситаи ин таҷҳизот ва лавозимот бо дақиқияти баланд тағйирёбии иқлим, лағжиши пиряхҳо ва хатари офатҳои табииро таҳлил намоянд.
Ёдовар мешавем, ки лоиҳаҳои байналмилалӣ бо ҳадафи таҳкими сатҳи илм дар Тоҷикистон ва дастгирии таҳқиқот дар самти омӯзиши пиряхҳо амалӣ карда мешаванд.
АКС: Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон
Имрӯз дар шаҳри Душанбе ҳаво то 24 дараҷа гарм мешавад
Филми ҳунарии «Моҳӣ дар шаст» дар кинофестивали байналмилалии «Шилингел» дар Олмон намоиш дода шуд
Тоҷикистон мизбони ҷаласаи Шурои сарони кишварҳои аъзои Иттиҳоди Давлатҳои Мустақил мегардад
Имрӯз дар Тоҷикистон ҳаво то 27 дараҷа гарм мешавад
«КИТОБХОНА — КОХИ МАЪРИФАТ». Дар шаҳри Кӯлоб ҳамоиши дӯстдорони китоб доир шуд
Дар шаҳри Панҷакент пойгоҳҳои обкашӣ барқарор карда мешаванд
Доир ба нақши забони давлатӣ дар таҳкими худшиносӣ ва ҳувияти миллӣ ҳамоиш баргузор гардид
Рӯзи забони давлатӣ дар Суди Олии иқтисодӣ ботантана таҷлил карда шуд
Кишоварзони шаҳри Конибодом беш аз 12 ҳазор тонна пахта ҷамъоварӣ менамоянд
Имрӯз дар водиҳо ҳаво то 27 дараҷа гарм мешавад
Бахшида ба рӯзи таъсиси «Телевизиони Тоҷикистон» ҳамоиши илмӣ баргузор шуд
Дар милитсияи пойтахт Рӯзи забони давлатӣ ва Рӯзи касбии кормандони оперативиро таҷлил намуданд
