Байни Тоҷикистон ва Русия оид ба ҳамкории мақомоти прокуратураҳои ҳарбӣ ду Созишнома ба имзо расид
ДУШАНБЕ, 21.10.2025. /АМИТ «Ховар»/. 20 октябр дар шаҳри Душанбе дар доираи ҷаласаи 35-уми Шурои ҳамоҳангсозии прокурорҳои генералии кишварҳои аъзои Иттиҳоди Давлатҳои Мустақил Прокурори генералии Ҷумҳурии Тоҷикистон Ҳабибулло Воҳидзода бо Прокурори генералии Федератсияи Русия Александр Гутсан вохӯрӣ намуда, оид ба ҳамкории мақомоти прокуратураҳои ҳарбӣ ду Созишнома ба имзо расониданд. Дар ин хусус ба АМИТ «Ховар» аз Прокуратураи генералии Ҷумҳурии Тоҷикистон хабар доданд.
Иброз гардид, ки ин санадҳо заминаи шартномавӣ-ҳуқуқии муносибатҳои дуҷонибаро таҳким бахшида, ба тақвияти ҳамкорӣ дар соҳаи назорат, татбиқи ҳуқуқ ва инчунин ба ҳамоҳангсозии муассири фаъолияти прокуратураҳои ҳарбӣ равона шудаанд. Созишномаҳои баимзорасида барои таҳкими қонуният ва таъмини амният дар соҳаҳое, ки вокуниши махсус талаб мекунанд, аҳамияти калидӣ доранд.
Ҳамчунин зимни вохӯрӣ прокуророни генералӣ масъалаҳои мубрами ҳамкории дуҷониба ва таъмини амнияти минтақавӣ, ҳифзи ҳуқуқ ва манфиатҳои муҳоҷирони меҳнатӣ ва аъзои оилаи онҳоро мавриди баррасӣ қарор доданд.
Ҷонибҳо таваҷҷуҳи асосиро ба хатарҳои шадидтарин, аз қабили мубориза бо терроризм ва экстремизм, муқовимати муштарак ба ҷинояткории фаромиллии муташаккил ва таҳияи чораҳои муассир оид ба мубориза бо ҷинояткории киберӣ равона намуданд.
АКС: Прокуратураи генералии Ҷумҳурии Тоҷикистон
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
Дар Тоҷикистон нақшаи даъвати баҳорӣ ба сафи Қувваҳои Мусаллаҳ 100 фоиз иҷро шуд
Оид ба Стратегияи пешгирии экстремизм ва терроризм дар Тоҷикистон вохӯрӣ баргузор гардид
Дар Душанбе масоили муқовимат ба ҷинояткорӣ дар замони муосир баррасӣ шуд
Намояндаи Тоҷикистон татбиқи Стратегияи миллӣ оид ба назорати маводи нашъаоварро дар ҷаласаи СҲШ муаррифӣ намуд
