Дар Академияи миллии илмҳо бо намояндагони Корпоратсияи «Синергия» рушди инфрасохтори рақамӣ баррасӣ шуд
ДУШАНБЕ, 17.10.2025 /АМИТ «Ховар»/. 15 октябр президенти Академияи миллии илмҳои Тоҷикистон Қобилҷон Хушвахтзода бо роҳбари Шуъбаи рушди бозорҳои минтақавӣ ва байналмилалии Корпоратсияи «Синергия» Владимир Маркин ва асосгузору директори генералии «Bonoor Group» Шариф Абдуллоев мулоқот намуд, ки зимни он ба масъалаи зеҳни сунъӣ таваҷҷуҳи хосса зоҳир гардид, хабар медиҳад АМИТ «Ховар» бо истинод ба академия.
Иброз шуд, ки дар шароити ҷаҳони рақамӣ зеҳни сунъӣ на танҳо абзори ёрирасон, балки унсури муҳими қабули қарор ва таҳлили додаҳо маҳсуб мешавад, ки барои идоракунии самараноки захираҳо зарур мебошад.
Бо назардошти аҳамияти ҳамкории илмӣ ва таҳқиқотӣ ҷонибҳо барои ҳамкорӣ бо Корпоратсияи «Синергия» ба мувофиқа расиданд. Корпоратсияи «Синергия» — яке аз калонтарин сохторҳои илмӣ-таълимӣ мебошад, ки имрӯз дар соҳаи таҳсил ва фанноварӣ ба мамлакатҳои гуногун имконияти нав фароҳам меорад. Ҳамкорӣ метавонад дар доираи платформаҳои минтақавӣ ва байналмилалӣ, аз ҷумла Иттиҳоди Давлатҳои Мустақил ва БРИКС густариш ёбад.
Инчунин зимни мулоқот ба масъалаи рақамикунонӣ, аз ҷумла рушди инфрасохтори рақамӣ, табдили хизматрасониҳо ба шакли электронию рақамӣ ва амнияти иттилоотӣ таваҷҷуҳи ҷиддӣ зоҳир карда шуд.
АКС: Академияи миллии илмҳои Тоҷикистон
Филми «Моҳӣ дар шаст» дар синамоҷашнвораи «Парвонаи алмосӣ» ба сегонаи беҳтаринҳо роҳ ёфт
«ФУРӮҒИ СУБҲИ ДОНОӢ КИТОБ АСТ». Имрӯз довталабони озмун барои «Шоҳҷоиза» рақобат менамоянд
Дар намоишгоҳи байналмилалии Пекин нигораҳои нодири Тоҷикистонро беш аз 1 миллион нафар тамошо намуданд
Довталабони даври ниҳоии Озмуни ҷумҳуриявии «Фурӯғи субҳи доноӣ китоб аст» бо адибон вохӯрӣ намуданд
Туҳфаи Пешвои миллат- «Шоҳнома»-и Ҳаким Фирдавсӣ ба собиқадорони меҳнати ноҳияи Кӯшониён тақдим карда шуд
Туҳфаи Пешвои миллат-«Шоҳнома»-и безаволи Абулқосим Фирдавӣ ба шаҳри Левакант расид
Бахшида ба 570-солагии Камолиддини Беҳзод конференсияи байналмилалӣ баргузор шуд
Дар маҷаллаи фарҳангӣ–иттилоотии «ЭКО-нома» фарҳангу ҳунари Тоҷикистон муаррифӣ шудааст
Ба зиёда аз 28 ҳазор хонаводаи шаҳри Бохтар китоби «Шоҳнома» тақдим мегардад
Иштирокчиёни Озмуни ҷумҳуриявии «Фурӯғи субҳи доноӣ китоб аст»: «Озмун сабқате ба манфиати ҷомеа, давлат ва миллат аст»
4 лоиҳаи ҳифзи мероси фарҳангии Тоҷикистон аз ҷониби Иттиҳоди байналмилалии ҳифзи мерос дастгирӣ ёфт
Бахшида ба баргузории Муколамаи занони Осиёи Марказӣ дар Тоҷикистон барномаи фарҳангӣ доир шуд
