Дар Донишгоҳи давлатии Кӯлоб дар мавзуи масъалаҳои мубрами забоншиносӣ ва тарҷумашиносӣ конференсияи байналмилалӣ баргузор шуд
ДУШАНБЕ, 18.10.2025. /АМИТ «Ховар»/. 16 октябр дар Донишгоҳи давлатии Кӯлоб ба номи Абуабдуллоҳи Рӯдакӣ Конференсияи байналмилалии илмӣ-назариявӣ дар мавзуи «Масъалаҳои мубрами забоншиносии муқоисавӣ, тарҷумашиносӣ ва муоширати байнифарҳангӣ дар замони муосир» доир гардид. Дар ин хусус ба АМИТ «Ховар» аз ин донишгоҳ хабар доданд.
Конференсия дар доираи амалӣ намудани «Барномаи давлатии такмили таълим ва омӯзиши забони русӣ ва англисӣ дар Ҷумҳурии Тоҷикистон барои давраи то соли 2030» баргузор гардид.
Ректори Донишгоҳи давлатии Кӯлоб Мунир Сафарзода таъкид намуд, ки ҷиҳати иҷрои «Барномаи давлатии такмили таълим ва омӯзиши забонҳои русӣ ва англисӣ дар Ҷумҳурии Тоҷикистон барои давраи то соли 2030» дар донишгоҳ нақша-чорабиниҳо амал намуда, бандҳои он вобаста ба марҳилаҳои татбиқ амалӣ карда мешаванд.
Дар заминаи факултетҳои филологияи рус ва филологияи хориҷӣ 3 синфхонаи лингофонӣ ва кабинетҳои фаннӣ фаъолият дошта, машғулиятҳои омӯзгорон бо баҳрабардорӣ аз дастгоҳҳои муосири технологияи иттилоотӣ-коммуникатсионӣ гузаронида мешаванд.
Ба омӯзиш фаро гирифтани донишҷӯён ва хоҳишмандон барои забономӯзӣ дар назди донишгоҳ Маркази таълимӣ-машваратии «Дурахшон» ва маркази «Фазои русӣ» таъсис дода шудааст, ки забонҳои русӣ, англисӣ, олмонӣ ва Чинӣ тадрис мешаванд.
Дар конференсия дар мавзуъҳои «Бисёрзабонӣ ва гуногунфарҳангӣ дар Тоҷикистон: бозёфт, мушкилот ва дурнамо», «Ҳифзи забон ҳифзи ватан мебошад» ва дигар мавзуъҳо маърӯзаҳо пешниҳод гардиданд.
Иброз шуд, ки Президенти Ҷумҳурии Тоҷикистон муҳтарам Эмомалӣ Раҳмон пайваста таъкид менамоянд, ки сиёсати забонии Ҳукумати ҷумҳурӣ дар баробари забони тоҷикӣ ба фаъолияти озодонаи забонҳои дигар мусоидат менамояд ва имкон медиҳад, ки забонҳои дигар ҳам мавриди омӯзиш қарор бигиранд.
Кори конфронс дар се бахш идома ёфта, мақолаҳои олимону донишмандон ва устодону кормандон ба забоншиносии муқоисавӣ, тарҷумашиносӣ ва муоширати байнифарҳангӣ дар замони муосир баррасӣ гардиданд.
АКС: Донишгоҳи давлатии Кӯлоб ба номи Абуабдуллоҳи Рӯдакӣ
Пешвои миллат дастур доданд, ки сифат ва муҳтавои китобҳои насли нав беҳтар карда шавад
Президенти Тоҷикистон: «Зарур аст дар байни ҷавонону наврасон фарҳанги истифодаи шабакаи интернет баланд бардошта шавад»
Кормандони Мақомоти иҷроияи ҳокимияти давлатии ноҳияи Ёвон суханронии Президенти Тоҷикистонро дастҷамъона тамошо намуданд
Пешвои миллат: «Ба мо, пеш аз ҳама, мутахассис зарур аст, на ҷавоне, ки танҳо соҳиби диплом аст»
МАКТАБУ МАОРИФ — ВАСИЛАИ ҲИФЗУ ТАҲКИМИ СУЛҲУ ОРОМӢ ВА СУБОТИ СИЁСӢ. Иқтибосҳо аз суханрониҳои Пешвои миллат бахшида ба Рӯзи дониш
Эмомалӣ Раҳмон: «29 ҳазор хатмкардагони муассисаҳои таҳсилоти миёнаи умумӣ бо квотаи президентӣ ба таҳсил фаро гирифта шуданд»
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати Рӯзи дониш ва Дарси сулҳ дар муассисаи таҳсилоти миёнаи умумии №105-и шаҳри Душанбе
Пешвои миллат Эмомалӣ Раҳмон дар шаҳри Душанбе муассисаи таҳсилоти миёнаи умумии рақами 105-ро ифтитоҳ намуданд
ИСТИҚЛОЛИЯТ ВА РУШДИ МАОРИФ. Давоми 35 соли соҳибистиқлолӣ модели муосири мактаби миллӣ ташаккул ёфт
ИСТИҚЛОЛИЯТ ВА РУШДИ МАОРИФ. Давоми панҷ соли охир маоши омӯзгорон 135 фоиз зиёд гардид
31 август дар тамоми муассисаҳои таълимии Тоҷикистон Рӯзи дониш бо Дарси сулҳ оғоз меёбад
Дар ноҳияи Синои пойтахт Муассисаи таҳсилоти томактабии хусусии «Нури миллат» ба истифода дода шуд
