Доктор Ҳала бинти Мазид Ат-Тувайҷирӣ: «Дар «Стратегияи дурнамои рушди Арабистони Саудӣ то соли 2030» ҳифзи ҳуқуқи инсон ҷойгоҳи хос дорад»
ДУШАНБЕ, 20.10.2025 /АМИТ «Ховар»/. Дар «Стратегияи дурнамои рушди Арабистони Саудӣ то соли 2030» ҳифзи ҳуқуқу озодиҳои инсон, хусусан ҳуқуқи занон яке аз масъалаҳои калидӣ буда, ҷойгоҳи хос дорад. Чунин гуфт дар нишасти матбуотӣ ба хабарнигорон Раиси Комиссияи ҳуқуқи инсони Шоҳигарии Арабистони Саудӣ доктор Ҳала бинти Мазид Ат-Тувайҷирӣ, ки имрӯз дар Душанбе баргузор гардид, иттилоъ медиҳад хабарнигори АМИТ «Ховар».
Раиси Комиссияи ҳуқуқи инсони Шоҳигарии Арабистони Саудӣ афзуд, ки ин сафари нахустини расмиаш ба Ҷумҳурии Тоҷикистон буда, ҳадафаш тақвияти ҳамкорӣ дар доираи Созишномаи ҳамкорӣ байни Кумитаи ҳуқуқи инсони Мамлакати Шоҳигарии Арабистони Саудӣ ва Ваколатдор оид ба ҳукуқи инсон дар Ҷумҳурии Тоҷикистон аст, ки дар Ҷидда ба имзо расидааст. Дар доираи ин санад ҳамкорӣ байни Кумитаи ҳукуқи инсони Мамлакати Шоҳигарии Арабистони Саудӣ ва Ваколатдор оид ба ҳукуқи инсон дар Ҷумҳурии Тоҷикистон тақвият меёбад.
Доктор Ҳала бинти Мазид Ат-Тувайҷирӣ дар нишасти матбуотӣ ба хабарнигорон доир ба вазъи ҳуқуқу озодии инсон дар Арабистони Саудӣ ва дастовардҳои кишвараш дар ин самт, хусусан ҷойгоҳи занон, таҳсил, кор ва дар маҷмуъ фаъолияти онҳо дар корҳои ҷамъиятӣ ва дигар соҳаҳои гуногуни иқтисоди Арабистони Саудӣ иттилоъ дод. Гуфта шуд, ки солҳои охир бо тадбирҳои андешидаи роҳбарияти мамлакати Арабистони Саудӣ мавқеи занон дар Арабистони Саудӣ хеле баланд бардошта шуд. Ин раванд ба фаъол гардидани нақши занон дар рушду пешрафти ҷомеа мусоидат менамояд. Далели ин ба фаъолияти соҳикборӣ машғул будани ҳудуди 30 фоизи занони саудӣ мебошад.
Раиси Комиссияи ҳуқуқи инсони Мамлакати Шоҳигарии Арабистони Саудӣ зимни посух ба саволҳои хабарнигорон иброз намуд, ки дар доираи сафари расмии дурӯзааш ба Ҷумҳурии Тоҷикистон бо роҳбарони мақомоти марбутаи Ҷумҳурии Тоҷикистон, аз ҷумла Раиси Маҷлиси намояндагони Маҷлиси Олии Ҷумҳурии Тоҷикистон, Вазири корҳои хориҷии Ҷумҳурии Тоҷикистон, Раиси Суди Олии Ҷумҳурии Тоҷикистон ва Ваколатдор оид ба ҳуқуқи инсон дар Ҷумҳурии Тоҷикистон мулоқот мекунад. Зимни он масъалаҳои рушди ҳамкорӣ дар самти ҳифзи ҳуқуқи инсон, манфиатҳои оила, занону кӯдакон, пиронсолон ва маъюбон, инчунин ба роҳ мондани табодули таҷриба ва омӯзиши амалия дар самти ҳифзи ҳуқуқу озодиҳои инсон ва дигар масоили мубрами ҳамкориро, ки марбут ба ҳуқуқи инсон мебошанд, баррасӣ менамоянд.
Марзия САИДЗОДА,
АМИТ «Ховар»
АКС: АМИТ «Ховар»
Мактаб, оила ва ҷомеа — се неруе, ки бояд иттиҳоди ҳамешагӣ дошта бошанд
20 СЕНТЯБР — РӮЗИ ҶАҲОНИИ ТОЗАГӢ. Маданияти шаҳрнишиниро риоя бояд кард!
Ҷавонони Тоҷикистон дар Фестивали байналмилалии ҷавонон-2026 дар Екатеринбург иштирок намуданд
Дар Душанбе «Стратегияи ҳифзи саломатии аҳолии Ҷумҳурии Тоҷикистон барои давраи то соли 2030» баррасӣ шуд
Дар Тоҷикистон Озмуни ҷумҳуриявии «Табиби сол – 2026» ҷамъбаст гардид
Байни Агентии хизмати давлатии Тоҷикистон ва Вазорати идоракунии ҳайати Ҷумҳурии Корея Ёддошти тафоҳум ба имзо расид
16 СЕНТЯБР — РӮЗИ БАЙНАЛМИЛАЛИИ КАРДИОЛОГИЯИ ИНТЕРВЕНСИОНӢ. Табобати бемориҳои дилу раг бо истифодаи ҷарроҳиҳои муосир ва бе буриши калон ба куллӣ тағйир ёфтааст
Тоҷикистон ва Британияи Кабир масъалаи таҳия ва имзои санади нави ҳамкориро дар самти пешгирии ҳолатҳои фавқулода баррасӣ карданд
Дар Душанбе роҳҳои нави ҳамкорӣ бо ҷамъиятҳои тоҷикон ва ҳамватанони бурунмарзӣ баррасӣ гардиданд
Тоҷикистон ва Чин робитаҳои илмӣ-таҳлилӣ ва ҳамкории минтақавиро густариш медиҳанд
«ХУШДОМАНИ БЕҲТАРИН». Ин озмуни ҷумҳуриявӣ бо мақсади таҳкими фарҳанги оиладорӣ баргузор мешавад
Дар фасли тирамоҳ бемориҳои сироятии мавсимӣ зиёд мешаванд
