«ДУШАНБЕ ИНВЕСТ-2025». Иштирокдорони Форуми байналмилалии сармоягузорӣ «Қалъаи Ҳисор»-ро тамошо намуданд
ДУШАНБЕ, 16.10.2025 /АМИТ «Ховар»/. Имрӯз иштирокдорон ва меҳмонони Форуми байналмилалии сармоягузории «Душанбе Инвест-2025» иборат аз намояндагони давлатҳои хориҷӣ- Ҳиндустон, Ҷопон, Туркия, Малайзия, Амрико ба тамошои Маҷмааи таърихию фарҳангии «Қалъаи Ҳисор» рафта, бо таъриху фарҳанги бостонии тоҷикон шинос гардиданд, иттилоъ медиҳад хабарнигори АМИТ «Ховар».
Меҳмононро дар майдони Маҷмааи таърихию фарҳангии «Қалъаи Ҳисор» чун анъанаи неки мардуми тоҷик бо нону намак ва бо суруду мусиқӣ истиқбол гирифтанд. Меҳмононро роҳбарияти шаҳри Ҳисор хайрамақдам гуфт. Зимни тамошои Маҷмааи таърихию фарҳангии «Қалъаи Ҳисор» ба меҳмонон доир ба таърихи ин Маҷмааи таърихӣ маълумот дода шуд.
Таъкид гардид, ки Қалъаи Ҳисор ёдгории таърихӣ –фарҳангӣ буда, дорои таърихи сеҳазорсола мебошад. Қалъаи Ҳисор ёдгории даврони Пешдодиён буда, болои қалъа аз се қисм иборат аст. Қисми баландии он қароргоҳи беку амирон, қисми дуюм, яъне поёнӣ —уштурхона ва қисми асосии онро аскархона ташкил медиҳад. Атрофи Қалъаи Ҳисор бо девори баланди кунгурадори муҳофизатӣ иҳота шуда, баландиаш аз сатҳи болои қалъа 3,5 метр, рӯйи девор 10 метр паҳноӣ доштааст. Дарвозаҳои қалъа дар асри 16 сохта шуда, имрӯз пурра таҷдид гардидаанд. Қалъа аз ду манора, корвонсаро ва ду мадраса, ки якеаш осорхонаи этнографӣ мебошад, иборат аст.
Дигар бозёфтҳои таърихӣ, ки аз наздикии Қалъаи Ҳисор пайдо шудаанд, мақбараи Махдуми Аъзам, масҷиди сангин ва чашмаи моҳиён мебошанд. Соли 2015 дар доираи таҷлили 3000 –солагии шаҳри Ҳисор дар Маҷмааи таърихию фарҳангии Қалъаи Ҳисор бозори ҳунармандон ташкил гардид.
Дар дӯкону растаҳои бозори ҳунармандон маҳсули ҳунарҳои ҳунармандони чирадасти водии Ҳисор: пероҳанҳои миллӣ, ороишоти занона ва армуғонҳои гуногуни бо рамз ва анъанаҳои миллӣ истеҳсолгардида ба намоиш ва фурӯш гузошта шудаанд. Меҳмонону сайёҳон на танҳо онҳоро тамошо намуда, бо фарҳанги тоҷикон шинос мегарданд, балки аз онҳо харида, аз Тоҷикистон ҳадя мебаранд.
Меҳмонон ҳамзамон Осорхонаи этнографии Маҷмааи таърихию фарҳангии «Қалъаи Ҳисор»-ро тамошо намуда, бо таъриху фарҳанги мардуми тоҷик шинос шуданд.
Имрӯз гурӯҳи дигари меҳмонон ва иштирокдорони Форуми байналмилалии сармоягузории «Душанбе Инвест-2025» ба шаҳрҳои Роғун ва Норак рафта, бо ҷараёни корҳои сохтмонӣ дар иншооти азими аср- Неругоҳи барқи обии «Роғун» ва фаъолияти Неругоҳи барқи обии «Норак» шинос гардиданд.
Марзия САИДЗОДА,
АМИТ «Ховар»
АКС: АМИТ «Ховар»
Ҳамкории илмӣ дар самтҳои зеҳни сунъӣ ва рақамикунонӣ бо намояндагони Чин баррасӣ карда шуд
Дар шаҳри Гулистон Форуми сеюми ҷавонони ҳавзаи дарёи Сир баргузор гардид
«Бахтиёр Худойназаров намояндаи барҷастаи синамои тоҷик дар арсаи байналмилалӣ аст», — бардошт аз форум дар Душанбе
Валиаҳди Шоҳигарии Негери-Сембилани Малайзия: «Таваҷҷуҳи Роҳбарияти олии Тоҷикистон ба татбиқи лоиҳаи НБО-и «Роғун» шоистаи таҳсин аст»
«ДУШАНБЕ ИНВЕСТ-2025». Соҳибкор аз Аморати Муттаҳиддаи Араб Марям Алшинасӣ: «Тоҷикон воқеан мардуми меҳмоннавоз, самимӣ ва дорои таъриху фарҳанги қадимӣ мебошанд»
ИМРӮЗ — РӮЗИ КИНОИ ТОҶИК. Арзишҳои миллӣ дар кинои тоҷикӣ ҳамеша мавқеи марказӣ доранд
«ДУШАНБЕ ИНВЕСТ-2025». Байни Вазорати энергетика ва захираҳои оби Тоҷикистон ва ширкатҳои ватанию хориҷӣ се протокол ва ду ёддошти тафоҳум ба имзо расид
«ДУШАНБЕ ИНВЕСТ-2025». Иштирокдорони форуми байналмилалӣ ба шаҳрҳои Норак ва Роғун сафар менамоянд
«ШАҲРҲОИ ОЯНДА: БЕХАТАР, САБЗ ВА ҲУШМАНД». Дар ҷаласаи махсуси Форуми «Dushanbe Invest – 2025» 17 созишнома ва ёддошти тафоҳум ба имзо расид
СИНАМОҶАШНВОРАИ БАЙНАЛМИЛАЛИИ «ТОҶИ СОМОН». Дар доираи он форуми байналмилалӣ доир мегардад
Дар Душанбе Иди Меҳргонро бо баргузории Фестивал-намоиши маҳсулот ва техникаи кишоварзӣ таҷлил менамоянд
«ДУШАНБЕ ИНВЕСТ-2025». Барои меҳмонону иштирокдорони Форуми байналмилалии сармоягузорӣ барномаи рангини фарҳангӣ доир карда шуд
