Хадамоти обуҳавошиносии Тоҷикистон ва Русия ҳамкориро тақвият медиҳанд
ДУШАНБЕ, 22.10.2025 /АМИТ «Ховар»/. Хадамоти обуҳавошиносии Тоҷикистон ва Русия ҳамкориро дар самти пешгӯии боду ҳаво тақвият медиҳанд. Дар ин замина дар доираи ҷаласаи ғайринавбатии Конгресси ҷаҳонии обуҳавошиносӣ(Cg-Ext 2025), ки дар шаҳри Женеваи Швейтсария идома дорад, Директори Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон Абдулло Қурбонзода бо Роҳбари Хадамоти федералии обуҳавошиносӣ ва мониторинги муҳити зисти Вазорати захираҳои табиӣ ва экологияи Федератсияи Русия – «Росгидромет» Игор Шумаков мулоқот намуд. Дар ин хусус АМИТ «Ховар» бо истинод ба Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ медиҳад.
Дар мулоқот масъалаи иштироки мутахассисони Агентии обуҳавошиносӣ дар омода намудани «Пешгӯии мавсими зимистони солҳои 2025-2026 (ноябри 2025-марти 2026)» дар ҳамкорӣ бо мутахассисони Хадамоти обуҳавошиносии Русия «Росгидромет» баррасӣ карда шуд.
Ин пешгӯӣ барои банақшагирии фаъолияти пурсамари соҳаҳои иқтисодию иҷтимоии ҷумҳурӣ аҳамияти калон дорад.
АКС: Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон
Қонуни Ҷумҳурии Тоҷикистон «Дар бораи сиёсати аграрӣ» таҳия гардидааст
КОНСЕПСИЯИ ИҚТИСОДИ РАҚАМӢ. Он санади муҳим дар самти рақамикунонии иқтисодиёти миллии Тоҷикистон аст
Барномаи рушди чарогоҳҳо барои таҳкими иқтисоди Тоҷикистон замина фароҳам меорад
Дар самти шарқии шаҳри Душанбе зеристгоҳи нави барқии 220 кВ сохта мешавад
Дар Душанбе ҳамоиши картошкапарварон ва намоиш-фурӯши картошка баргузор мегардад
Густариши ҳамкории иқтисодию тиҷоратии Тоҷикистону Олмон баррасӣ гардид
Дар Тоҷикистон ҳамоиши картошкапарварон баргузор мешавад
Байни соҳибкорони вилояти Суғд ва Қазоқистон санадҳои нави ҳамкорӣ ба имзо расиданд
Дар Душанбе самтҳои ҳамкорӣ бо ҳайати Палатаи савдои хориҷии Олмон баррасӣ гардид
Дар Остона дурнамои рушди ҳамкории Тоҷикистону Қазоқистон дар соҳаҳои электроэнергетика ва нафту газ баррасӣ гардид
Тоҷикистон дар доираи татбиқи Консепсияи рушди соҳаи ангишт ҳаҷми истихроҷи ангиштро ба 15 миллион тонна мерасонад
Дар Остона Форуми соҳибкории Тоҷикистону Қазоқистон баргузор шуд
