ҶОМИ ОСИЁ-2027. Бозии Тоҷикистон ва Малдивро гурӯҳи доварон аз Қирғизистон ҳакамӣ мекунад

ДУШАНБЕ, 07.10.2025 /АМИТ «Ховар»/. Конфедератсияи футболи Осиё ҳайати доваронро, ки бозии даври сеюми марҳилаи интихобии Ҷоми Осиё-2027 байни дастаҳои Тоҷикистон ва Малдивро ҳакамӣ мекунанд, интихоб намуд. Ин вохӯриро доварон аз Қирғизистон ҳакамӣ мекунанд, хабар доданд ба АМИТ «Ховар» аз Федератсияи футболи Тоҷикистон.

Довари марказӣ довари ФИФА Зайниддин Алимов хоҳад буд. Ба ӯ дар хат ёварони довари ФИФА Нураалӣ Абдунабиев ва Абдуғанӣ Абдукаримов кумак мекунанд. Довари ФИФА Санҷар Жакипбеков ба ҳайси чаҳорумин ҳакам кор мекунад. Кори ҳайати доваронро Валентин Коваленко аз Узбекистон назорат менамояд ва Валид Муҳаммад Мӯсо Тоҳир Ал-Блуши комиссари бозӣ таъйин гардид.

Бозии интихобии Ҷоми Осиё-2027 байни дастаҳои мунтахаби Тоҷикистон ва Малдив 9 октябр дар Варзишгоҳи марказии Ҳисор соати 18:00 доир мешавад.

АКС: Федератсияи футболи Тоҷикистон