35-СОЛАГИИ ИСТИҚЛОЛИ ДАВЛАТӢ. Бунёдкорӣ дар ҷамоатҳои деҳоти Роҳатию Гулистони ноҳияи Рӯдакӣ вусъат меёбад
РӮДАКӢ, 30.11.2025 /АМИТ «Ховар»/. Ба ифтихори ҷашни 35-солагии Истиқлоли давлатӣ дар ҷамоатҳои деҳоти Роҳатӣ ва Гулистони ноҳияи Рӯдакӣ тадбирҳои созандагию бунёдкорӣ вусъати тоза гирифтаанд. Сокинони ду ҷамоат бо эҳсоси масъулияти баланди шаҳрвандӣ ҳамарӯза дар ҳашарҳои дастҷамъӣ иштирок карда, дар ободии диёри хеш саҳм мегузоранд.
Имрӯзҳо дар Ҷамоати деҳоти Роҳатӣ сохтмони бинои нави маъмурии ҷамоати деҳот, иборат аз се ошёна ва таҳхона, бинои беморхонаи минтақавии Роҳатӣ, иборат аз се ошёна ва таҳхона, бинои Муассисаи томактабӣ барои зиёда аз 240 кӯдак, бинои нави Муассисаи таҳсилоти миёнаи умумии №190 барои 800 хонанда дар ду баст, варзишгоҳи калон, майдони Парчам ва Нишони давлатии Ҷумҳурии Тоҷикистон, чароғонкунии роҳҳои ҷамоат тавассути чароғҳои обтобӣ, сафолакпӯшкунии пиёдаравҳо, осорхона ва китобхонаи минтақавии Мавлави Ҷунунӣ, Хонаи ҳунармандон, Мактаби касбомӯзии калонсолон, иборат аз се ошёна ва мумфаршнамоии роҳҳои маҳаллию гулгаштҳо ва шинонидани дарахтони ҳамешасабзу ороишӣ дар арафаи анҷом қарор дорад. Ҳамчунин дар деҳаи Мавлавии Ҷамоати деҳоти Гулистон корҳои сохтмонӣ дар бинои Маркази инкишофи барвақтии кӯдакон барои 100 кӯдак ва бинои асосии Муассисаи таҳсилоти миёнаи умумии №198 барои 480 хонанда дар ду баст ба анҷом мерасанд.
Бояд гуфт, ки то ҷашни 35-солагии Истиқлоли давлатӣ ва дар асоси нақшаи чорабиниҳои созандагию бунёдкорӣ дар ҳудуди ҷамоатҳои деҳоти Гулистон ва Роҳатии ноҳияи Рӯдакӣ мушкилоти норасоии ҷойи нишасти хонандагон, набудани муассисаҳои томактабӣ, беморхонаи минтақавӣ ва дигар мушкилии сокинон пурра бартараф мегарданд.
Бунёди ин иншоот бо ташаббуси раиси ноҳияи Рӯдакӣ Абдуғаффор Ҳикматуллозода ба роҳ монда шуда, дар сохтмони онҳо саҳми соҳибкорони ватандӯст, сокинони деҳот ва Мақомоти иҷроияи ҳокимияти давлатии ноҳияи Рӯдакӣ калон аст.
Бунёди чунин муассисаҳои замонавӣ дар ҷамоатҳои деҳоти Роҳатию Гулистон ба ҳусни ҷамоатҳо зебоӣ зам менамояд. Сокинони ҷамоатҳо ба Пешвои миллат муҳтарам Эмомалӣ Раҳмон миннатдорӣ баён намуда, иброз доштанд, ки бо ғамхории Сарвари давлат ва зери сиёсати хирадмандонаи ин шахсияти бузург минтақаи Роҳатӣ ободу зебо гардида, дар он барои сокинон беҳтарин шароити зиндагӣ муҳайё мегардад.
Дар зер оид ба ободкориҳо дар ин ҷамоатҳо суратгузориш манзур карда мешавад.
Субҳониддини МАҲМУД,
АМИТ «Ховар»
АКС: АМИТ «Ховар»
Дар 7 соли охир дар Тоҷикистон беш аз 2600 корхонаи саноатӣ ба фаъолият оғоз намудааст
СОЛИ 2026 – СОЛИ ТАЪРИХӢ БАРОИ ХАЛҚИ ТОҶИКИСТОН. Сарзамини куҳанбунёд, аммо тозаистиқлоли мо 35-сола мешавад
Маҷлиси Ҳукумати Ҷумҳурии Тоҷикистон баргузор гардид
Президенти Ҷумҳурии Тоҷикистон Эмомалӣ Раҳмон дар шаҳри Бохтар бинои нави маъмурӣ ва хобгоҳро дар қисми ҳарбии 3503-и Қӯшунҳои дохилии Вазорати корҳои дохилӣ ифтитоҳ намуданд
Сарвари давлат Эмомалӣ Раҳмон дар шаҳри Бохтар бинои иловагии таълимии Коллеҷи тиббии инноватсиониро мавриди истифода қарор доданд
Пешвои миллат Эмомалӣ Раҳмон дар шаҳри Бохтар бинои хобгоҳи донишҷӯёни Донишгоҳи давлатии Бохтар ба номи Носири Хусравро ифтитоҳ намуданд
Президенти Ҷумҳурии Тоҷикистон Эмомалӣ Раҳмон ба таври фосилавӣ як иншооти соҳаи маориф ва як корхонаи саноатиро дар минтақаи саноатии шаҳри Левакант ифтитоҳ намуданд
Сарвари давлат Эмомалӣ Раҳмон дар шаҳри Бохтар Муассисаи таҳсилоти миёнаи умумии №17-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Бохтар бинои баландошёнаи истиқоматии хайриявии Эҳсонро бо маркази савдо ва хизматрасонӣ ба истифода доданд
Сарвари давлат Эмомалӣ Раҳмон дар шаҳри Бохтар ҶДММ «Шифобахши Аср»-ро ба истифода доданд
Президенти Ҷумҳурии Тоҷикистон Эмомалӣ Раҳмон 7 муассисаи соҳаи маорифро ба таври фосилавӣ ифтитоҳ намуда, бо лоиҳаҳои бунёди 4 муассисаи соҳаи маориф ва 1 иншооти соҳаи варзиш шинос шуданд
Пешвои миллат Эмомалӣ Раҳмон дар шаҳри Бохтар бинои Муассисаи таҳсилоти томактабии хусусӣ ва маркази инкишофи кӯдакро ба истифода доданд
