35-СОЛАГИИ ИСТИҚЛОЛИ ДАВЛАТӢ. Дар Фархор ва Кӯшониён бинои шуъбаи Вазорати корҳои дохилӣ ба истифода дода шуд
ДУШАНБЕ, 11.11.2025. /АМИТ «Ховар»/. Дар ноҳияи Фархор бинои шуъбаи Хадамоти давлатии «Муҳофиза» ва дар ноҳияи Кӯшониён бинои шуъбаи Вазорати корҳои дохилӣ ба истифода дода шуд. Дар ин хусус ба АМИТ «Ховар» аз Вазорати корҳои дохилии Ҷумҳурии Тоҷикистон хабар доданд.
Бинои шуъбаи Хадамоти давлатии «Муҳофиза»-и Вазорати корҳои дохилӣ дар ноҳияи Фархор аз ду ошёна ва таҳхона иборат буда, дар он утоқҳои корӣ, толорҳои варзишӣ, маҷлисгоҳ, китобхона, ошхона ва дигар иншооти ёрирасон ҷойгир мебошад. Бино бо тарҳи замонавӣ сохта шуда, дар он барои кормандон тамоми таҷҳизоти муосир муҳайё карда шудааст.
Дар ноҳияи Кӯшониён бо дастгирии роҳбарияти мақомоти иҷроияи ҳокимияти давлатии ноҳия ва ҷалби соҳибкорон даромадгоҳ, қисми навбатдорӣ ва утоқҳои кории таъмирталаби бинои шуъбаи Вазорати корҳои дохилӣ таъмири хушсифат карда шуд. Инчунин бинои иловагии дуошёна иборат аз 6 ҳуҷраи корӣ, толори маҷлисгоҳ барои 90 ҷойи нишаст ва биноҳои ёрирасони маишӣ, бойгонӣ барои нигоҳдории ҳуҷҷатҳою захираи маводи ғизоии хушк барои зимистонгузаронӣ ва анбори захираи сӯзишворӣ мавриди истифода қарор дода шуданд.
Фароҳам овардани шароити моддию маишӣ барои кормандони милитсия идомаи тадбирҳои бунёдкорие аст, ки дар партави дастуру супоришҳои роҳбарияти Ҳукумати мамлакат татбиқ ва сабаби руҳбаландии ҳайати кормандон ва беҳдошти инфрасохтори маҳал мегардад.
АКС: Вазорати корҳои дохилии Ҷумҳурии Тоҷикистон
ТОҶИКИСТОНИ СОҲИБИСТИҚЛОЛ — ПАЙВАНДГАРИ ТАМАДДУНИ ОРИЁӢ. Андешаҳо оид ба Анҷумани тоҷикон ва форсизабонони ҷаҳон – «Пайванд»
Низомиёни Тоҷикистон дар Форуми байналмилалии 13-уми Сяншани Пекин иштирок намуданд
Дар Тоҷикистон бо мақсади пешгирии ҳодисаҳои роҳу нақлиёт амалиёти «Автобус» оғоз гардид
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
Тоҷикистон ва Ҳиндустон ҳамкориро дар самти пешгирӣ ва рафъи ҳолатҳои фавқулода тақвият медиҳанд
Прокурорҳои генералии Тоҷикистон ва Эрон тақвияти ҳамкории ҳуқуқиро баррасӣ намуданд
Ҳабибулло Воҳидзода дар ҷаласаи ҳафтуми прокурорҳои генералии кишварҳои аъзои Созмони ҳамкории иқтисодӣ иштирок намуд
Дар Душанбе бо ҳамватанони бурунмарзӣ вохӯрӣ доир шуд
Дар шаҳри Исфара бахшида ба 35-солагии Истиқлоли давлатӣ гузашти ҳарбӣ доир шуд
Дар Суғд ба муносибати 35-солагии Истиқлоли давлатӣ бо иштироки беш аз 8 ҳазор нафар гузашти низомӣ доир гардид
Дар Паради ҳарбӣ ба муносибати 35-солагии Истиқлоли давлатӣ беш аз 27 ҳазор нафар иштирок намуданд
