Дар Бразилия барномаҳои Тоҷикистон дар самти мутобиқшавӣ ба тағйирёбии иқлим муаррифӣ карда шуданд
ДУШАНБЕ, 18.11.2025 /АМИТ «Ховар»/. Дар шаҳри Белеми Бразилия дар доираи конфронси 30-юми тарафҳои Конвенсияи қолабии Созмони Милали Муттаҳид оид ба тағйирёбии иқлим (СОР-30) дар мавзуи ҷалби маблағгузории иқлимӣ барои рушди соҳаи кишоварзӣ бо ташаббуси Фонди Иқлими Сабз ва давлати Руанда чорабинии канорӣ баргузор гардид, ки дар он намояндаи Тоҷикистон доир ба таҷрибаи Тоҷикистон дар самти ҷалби маблағгузории иқлимӣ сухан гуфт.
Тавре ба АМИТ «Ховар» аз Кумитаи ҳифзи муҳити зисти назди Ҳукумати Ҷумҳурии Тоҷикистон хабар доданд, дар чорабинӣ Вазири муҳити зисти Руанда, директори барномаҳои Фонди Иқлими Сабз барои давлатҳои Осиёи Марказӣ, Аврупои шарқӣ ва Ховари Миёна, роҳбарони дафтарҳои минтақавии Фонди Байналмилалии Рушди Кишоварзӣ (IFAD), Созмони озуқа ва кишоварзии Созмони Милали Муттаҳид (FAO), роҳбарон ва намояндагони институтҳои молиявӣ ва тиҷоратӣ аз қитъаи Африқо иштирок намуданд.
Намояндаи Кумитаи ҳифзи муҳити зисти назди Ҳукумати Ҷумҳурии Тоҷикистон дар қисмати муҳокимаҳои панелӣ доир ба таҷрибаи Тоҷикистон дар самти ҷалби маблағгузории иқлимӣ, ҳадаф ва афзалият дар самти амалӣ намудани стратегия ва барномаҳо дар самти мутобиқшавӣ ба тағйирёбии иқлим, бахусус дар самти кишоварзӣ сухан гуфт. Ӯ ҳамзамон созмонҳои молиявӣ ва фондҳои махсуси иқлимиро барои ҳамкорӣ дар татбиқи ҳадафҳои Ҳукумати Ҷумҳурии Тоҷикистон дар самти мутобиқшавии соҳаи кишоварзӣ ба пайомадҳои ногувори тағйирёбии иқлим даъват кард.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Бахшида ба Рӯзи ҷаҳонии ҳифзи пиряхҳо ва ташаббусҳои ҷаҳонии Тоҷикистон дар соҳаи обу иқлим ва ҳифзи пиряхҳо конфронси миллӣ баргузор шуд
Оид ба тадбирҳои технологии ҳифзи пиряхҳо дар шароити тағйирёбии иқлим конференсияи ҷумҳуриявӣ доир гардид
РАВАНДИ ОБИ ДУШАНБЕ. Сомонаи расмии Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор, 2018–2028» фаъол гардид
Барои иштирок дар Конфронси байналмилалии сатҳи баланд оид ба Даҳсолаи байналмилалии амал «Об барои рушди устувор» бақайдгирӣ оғоз ёфт
Дар Вена брифинг оид ба омодагӣ ба Конфронси 4-уми оби Душанбе баргузор гардид
Раванди оби Душанбе – арсаи муҳим дар ҳалли мушкилоти ҷаҳонии об
ТАҒЙИРЁБИИ ИҚЛИМ. Пиряхҳои Тоҷикистон тақрибан 60 фоизи ҷараёни оби дарёҳоро таъмин менамоянд
Соли 2025 ташаббусҳои глобалии Тоҷикистон дар соҳаи об ва ҳифзи пиряхҳо ба таври густурда муаррифӣ шуданд
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
Ташаббусҳои байналмилалӣ нуфузи Тоҷикистонро қавитар мегардонанд
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
