Дар вилояти Свердловски Федератсияи Русия дар мавзуи рушди саноатикунонии Тоҷикистон вохӯрӣ доир шуд
ДУШАНБЕ, 03.11.2025. /АМИТ «Ховар»/. Дар вилояти Свердловски Федератсияи Русия ҷиҳати иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон оид ба муаррифии дастовардҳо ва барномаҳои рушди мамлакат бо ҳамватанони бурунмарзӣ вохӯрӣ доир гардид. Дар ин хусус мухбири махсуси АМИТ «Ховар» хабар медиҳад.
Дар вохӯрӣ иштирокдорон доир ба эълон гардидани солҳои 2022-2026 «Солҳои рушди саноат», рушди саноатикунонии мамлакат ва саҳмгузорӣ дар таъсиси корхонаҳои муштарак мубодилаи афкор намуданд.
Иброз гардид, ки ҳар як шаҳрванди мамлакат дар чорабиниҳои илмиву фарҳангӣ дастовардҳо ва барномаҳои рушди мамлакатро дар воситаҳои ахбори омма ва шабакаҳои иҷтимоӣ муаррифӣ намоянд.
Инчунин дар ҷараёни вохӯрӣ иштирокдорон доир ба нақши Кониститутси Ҷумҳурии Тоҷикистон мубодидаи афкор намуда, иброз доштанд, ки донистани Конститутсия ва эҳтиром гузоштан ба меъёрҳои он вазифаи аввалиндараҷаи ҳар як шахси худогоҳу худшинос ва ватандӯсту меҳанпараст мебошад. Омӯзиши ин ҳуҷҷати волои ҳуқуқӣ барои баланд бардоштани маърифати сиёсӣ, ҳуқуқӣ ва фарҳангии аҳолӣ мусоидат менамояд.
Ҳамчунин гуфта шуд, ки Конститутсияи давлатии демократии мо ҳамеша қутбнамо ва ифодагари манфиатҳои волои халқи дорои таърихи бою рангинамон, манбаи асосии ҳуқуқии ҳокимияти давлатӣ, пешбарандаи ғояву арзишҳои миллии мардуми шарифи Тоҷикистон ва амаликунандаи умеду ормонҳои чандинасраи ниёгонамон буда, ҷавонон ва наслҳои ояндаро вазифадор месозад, ки ин арзиши муқаддасро бо мамлакати худ пойдор нигоҳ доранд.
АКС: АМИТ «Ховар»
Ҳамкории Тоҷикистон бо Гурҷистон дар такмили низоми нафақа густариш меёбад
ОМОДАГӢ БА ЗИМИСТОН. Муассисаҳои тандурустии шаҳри Хуҷанд ба мавсими сармо ҳамаҷониба омода мешаванд
Ҷумҳурии Тоҷикистон Конвенсияи Созмони Милали Муттаҳид дар бораи ҳуқуқҳои маъюбонро тасдиқ кард
Забони тоҷикӣ дар фазои рақамӣ: аз пайкараи матнӣ то истилоҳоти ягона
Дар Душанбе симпозиум доир ба соҳаи онкология оғоз гардид
Барои маблағгузории нафақа беш аз 4 миллиард сомонӣ равона гардидааст
Форуми байналмилалии ҷавонони СҲШ оид ба ҳамкорӣ барои ояндаи устувор доир шуд
ИМРӮЗ-РӮЗИ БАЙНАЛМИЛАЛИИ КОҲИШИ ХАТАРИ ОФАТҲОИ ТАБИӢ. Дар Тоҷикистон барои пешгирии хатари офатҳо беш аз 60 миллион сомонӣ ҷудо гардидааст
Конференсияи илмӣ оид ба саҳми экспедитсияи бостоншиносӣ дар омӯзиши Панҷакенти қадим баргузор мегардад
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
Рӯзи дарҳои кушоди Академияи хурди илмҳои Тоҷикистон баргузор шуд
ТАРЗИ ҲАЁТИ СОЛИМ. Камҳаракатӣ барои пайдоиши бемориҳои гуногун замина фароҳам меорад
