Доир ба муаррифӣ ва баррасии имконоти сармоягузории Тоҷикистон ҳамоиш баргузор гардид
ДУШАНБЕ, 21.11.2025 /АМИТ «Ховар»/. 19 ноябр дар шаҳри Душанбе бо ташаббуси Кумитаи давлатии сармоягузорӣ ва идораи амволи давлатии Ҷумҳурии Тоҷикистон ва Сафорати Ҷумҳурии Корея дар Ҷумҳурии Тоҷикистон оид ба муаррифӣ ва баррасии имконоти сармоягузории Ҷумҳурии Тоҷикистон ҳамоиш баргузор гардид, ки дар кори он намояндагони мақомоти давлатӣ, доираҳои соҳибкорӣ ва намояндагони бахши хусусии Корея иштирок намуданд. Дар ин хусус ба АМИТ «Ховар» аз Кумитаи сармоягузорӣ ва идораи амволи давлатӣ хабар доданд.
Муовини якуми Раиси Кумитаи давлатии сармоягузорӣ ва идораи амволи давлатӣ Фаррух Юсуфзода иброз намуд, ки робитаҳои иқтисодӣ байни Тоҷикистону Корея сол ба сол вусъат ёфта, имрӯз дар бахшҳои гуногуни иқтисодӣ заминаҳои мусоиди ҳамкорӣ фароҳам оварда шудаанд.
Ҳукумати Ҷумҳурии Тоҷикистон бо мақсади беҳтарсозии муҳити сармоягузорӣ, содагардонии расмиёти иҷозатдиҳӣ, густариши шарикии тиҷоратӣ ва ҷалби технологияҳои муосир ба соҳаҳои иқтисодӣ маҷмуи тадбирҳои иловагӣ ва ислоҳоти институтсионалиро татбиқ мекунад.
Ҳамзамон аз ҷониби масъулини Кумита муаррифиномаи муфассал оид ба иқтидори сармоягузорӣ дар Ҷумҳурии Тоҷикистон, аз ҷумла қонунгузории самти сармоягузорӣ, кафолатҳои ҳуқуқӣ, механизми созишномаи сармоягузорӣ, ҳамкории давлатӣ бо бахши хусусӣ ва самтҳои афзалиятноку манфиатбахш барои сармоягузорӣ пешниҳоди иштирокчиён гардид.
Дар ҳамоиш таваҷҷуҳи бештар ба самти татбиқи лоиҳаҳои муштарак дар соҳаҳои энергетикаи «сабз», саноати коркард: коркарди маъдан, саноати нассоҷӣ, агросаноат, истеҳсоли масолеҳи сохтмон, кишоварзӣ, технологияҳои иттилоотӣ ва инноватсия, сайёҳӣ ва хизматрасонӣ равона карда шуд.
Ба иштирокчиёни ҳамоиш қонунгузории сармоягузорӣ ва шароити дастгирии давлат шарҳ дода шуд.
Дар фарҷоми ҳамоиш ҷонибҳо барои тақвияти робитаҳои иқтисодӣ ва татбиқи лоиҳаҳои муштарак изҳори ҳавасмандӣ намуданд.
АКС: Кумитаи давлатии сармоягузорӣ ва идораи амволи давлатии Ҷумҳурии Тоҷикистон
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
Дурнамои рушди ҳамкорӣ байни Тоҷикистон ва Чехия дар соҳаи нақлиёти роҳи оҳан баррасӣ гардид
Масъалаи истифодаи механизмҳои нави маблағгузорӣ барои татбиқи лоиҳаҳои афзалиятноки Тоҷикистон дар Бангкок баррасӣ шуд
РУШДИ ИҚТИСОДИ МИЛЛӢ. Дар нуҳ моҳи соли 2026 8,3 фоиз таъмин гардид
Олимони тоҷик парвариши гандуми тирамоҳӣ ва пахтаро дар шароити тағйирёбии иқлим баррасӣ намуданд
Ҷалби сармоя барои татбиқи лоиҳаҳои афзалиятноки Тоҷикистон дар Бангкок баррасӣ гардид
«СОҲИБКОРИИ ЗАНОН: ИМКОНИЯТҲО, НАВОВАРӢ ВА РУШДИ УСТУВОР».Таҳти ин унвон ҳамоиш баргузор шуд
Дар мавзуи дастгирии соҳибкорӣ дар 35 соли Истиқлоли давлатӣ ҳамоиш баргузор шуд
Дар Рим имкониятҳои содиротии маҳсулоти кишоварзии Тоҷикистон муаррифӣ гардиданд
