Китоби сеюми ««Народная газета» о Народном Президенте» нашр гардид

ДУШАНБЕ, 15.11.2025 /АМИТ «Ховар»/.  Ба муносибати Рӯзи Президенти Ҷумҳурии Тоҷикистон ва 35-солагии Истиқлолияти давлатӣ китоби сеюми ««Народная газета» о Народном Президенте» ва ҷилди дуюми китоби «Президенти Ҷумҳурии Тоҷикистон дар саҳифаҳои «Народная газета»» нашр гардид.

Тавре ба АМИТ «Ховар» аз нашрияи Ҳукумати Ҷумҳурии Тоҷикистон «Народная газета» иттилоъ доданд, китоби сеюми ««Народная газета» о Народном Президенте» дар ду ҷилд рӯи чоп омадааст. Он дар бораи фаъолияти Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар солҳои 2011-2020 нақл мекунад.

Китоб паёмҳо, суханрониҳо, мусоҳибаҳо, вохӯриҳо, инчунин сафарҳои корӣ ва расмиеро, ки дар саҳифаҳои нашрияи Ҳукумати Ҷумҳурии Тоҷикистон «Народная газета» инъикос ёфтаанд, дар бар мегирад. Китоби якуми ««Народная газета» о Народном Президенте» солҳои 1992 то 1999 ва китоби дуюм солҳои 2000 то 2010-ро дар бар мегирад.

Китоб барои доираи васеи хонандагон пешбинӣ шудааст. Омӯзиши он барои магистрантон, аспирантон, сиёсатшиносон ва инчунин ҳамаи онҳое, ки ба таърихи ташаккули Истиқлолияти давлатии Ҷумҳурии Тоҷикистон таваҷҷуҳ доранд, тавсия дода мешавад.

АКС аз манбаъҳои боз